Yohane 5:19 - Somi He Ɔ

¹⁹ Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

BAIBLO ALOO NGMAMI KLƆUKLƆU Ɔ

¹⁹ Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Yohane 5:19 ပူးပေါင်းရင်းမြစ်များ

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 8:28

Lɔ ɔ he ɔ Yesu de mɛ ke: “Ke nyɛ na nyɛ wo Nɔmlɔ Bi ɔ nɔ ɔ, lɔ ɔ loko nyɛ maa le kaa ami ʼi, nɛ kãa i to we ye yi mi i pee we nɔ́ ko, se mohu nɔ nɛ Tsaatsɛ tsɔɔ mi ɔ ja i deɔ.

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Yohane 9:4

Wɔɔ lɛɛ, nɛ je na nɛ ɔ ɔ, ja wa tsu nɔ nɛ tsɔ wɔ ɔ ni tsumi ɔmɛ; je maa jɔ, benɛ nɔ ko be ni nyɛe ma tsu hu.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

Kolosebi 1:16

ejakaa e mi a bɔ nihi tsuo kulaa ngɛ, nihi nɛ ngɛ hiɔwe kɛ nihi nɛ ngɛ zugba a nɔ, nihi nɛ a naa kɛ nihi nɛ a nɛ́, matsɛ sɛhi jio, nɔ yemihi jio, nɔkɔtɔma yemihi jio, he blɔhi jio, ni ɔmɛ kulaa a, e nɔ a gu nɛ a bɔ, nɛ lɛ nɔuu a bɔ ha.

Filipibi 4:13

I nyɛɔ nihi kulaa peɔ ngɛ kristo, nɔ nɛ woɔ ni he wami ɔ mi.

Filipibi 3:21

nɔ nɛ ma tsake wa nɔmlɔ tso nɛ hɛ mi be nyami ɔ, konɛ e pee kaa e numinyami nɔmlɔ tso ɔ su, ngɛ e he wami ni tsumi nɛ ekɛ nyɛɛ ngɔɔ nihi kulaa ngɔ toɔ e sisi hu ɔ nya a.

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

Efesobi 2:5

nɛ wɔ nɛ wa ji ni gbogboehi ngɛ tuegbenɔ mi ɔ, e tsɛ̃ɛ waa kɛ Kristo tsuo hɛ; dloomi a kɛ he nyɛ yi wami!

2 Korintobi 4:14

ejakaa wa le kaa nɔ nɛ tle Nyɔmtsɛ Yesu si ɔ, e ma tle waa kɛ Yesu si, nɛ e kɛ waa kɛ nyɛ tsuo ma ba da e hɛ mi.

1 Korintobi 15:12

Jehanɛ ke a fiɛ ngɛ Kristo he kaa a tle lɛ si kɛ je gbeje ɔ, mɛni he je nɛ nyɛ ti ni komɛ deɔ ke ni gbogboehi a si temi ko be ɔ?

Romabi 6:4

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Ni Tsumi 2:24

Lɛ nɔuu si Mawu tle nɛ e pɛne gbenɔ piimi kpa amɛ, ejakaa gbenɔ be nyɛe e nya tsimi.

Yohane 2:19

Yesu he nɔ nɛ e de mɛ ke: “Nyɛɛ ku sɔlemi tsu nɛ ɔ, nɛ ligbi etɛ mi ɔ ma ma ekohu.”

1 Tesalonikabi 4:14

Ejakaa ke wa heɔ yeɔ kaa Yesu gbo nɛ e te si ɔ, ja nɔuu Mawu maa gu Yesu nɔ, nɛ e ngɔ ninɛmɛ nɛ gbo ɔmɛ hu ngɔ piɛ e he kɛ ba.

Kolosebi 1:11

nɛ nyɛɛ ya nɔ ngɛ Mawu he ni lemi mi, nɛ a kɛ he wami tsuo nɛ wo nyɛ he wami ngɛ e hɛ mi nyami nyɛmi ɔ nya ngɛ tsui si tomi nɛ se kɛɛ ɔ kulaa mi.

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Yohane 6:38

Ejakaa pi imi nitsɛ ye suɔmi nya ni peemi he nɛ i je hiɔwe kɛ ba ngɛ se mohu nɔ nɛ tsɔ mi ɔ suɔmi nya ni peemi he.

Yohane 12:50

Nɛ i le kaa e kita a neneene wami ʼi; lɔ ɔ he ɔ nɔ́ tsuaa nɔ́ nɛ i ngɛ dee ɔ, bɔ nɛ Tsɛ ɔ de mi ɔ, ja i deɔ.”