Yohane 5:18 - Somi He Ɔ

¹⁸ Enɛ ɔ he titli Yudafo ɔmɛ ngɛ lɛ hlae nɛ a gbe ɔ nɛ, ejaksaa pi Hejɔɔmi Ligbi ɔ kɛkɛ nɛ e ble, se mohu e tsɛ Mawu ke lɛ nitse e tsɛ, nɛ e kɛ Mawu sɔ.

BAIBLO ALOO NGMAMI KLƆUKLƆU Ɔ

¹⁸ Nɔ nɛ e de nɛ ɔ mohu ha Yuda ma nimeli ɔmɛ a hɛ dɔ pe kekle ɔ po, nɛ a to kaa ja a gbe lɛ. Ejakaa pi mlaa a nɛ kɔɔ Hejɔɔmi ligbi ɔ he ɔ kɛkɛ nɛ e tɔ̃; se e de hu ke e tsɛ ji Mawu, nɛ́ tsɔɔ kaa e kɛ Mawu sɔ.

Yohane 5:18 ပူးပေါင်းရင်းမြစ်များ

Yohane 10:33

Yudafo ɔmɛ he nɔ nɛ a de lɛ ke: “Tsa pi ni tsumi kpakpa ko he nɛ wa maa fia mo tɛ ngɛ ɔ, se mohu musu bɔmi he je, ejakaa mo nɛ nɔmlɔ ji mo ɔ, o tsɛɔ o he ke Mawu.”

Yohane 10:30

Imi kɛ Tsaatsɛ tsuo ɔ, kake ʼi.”

Yohane 19:7

Yudafo ɔmɛ he nɔ ke: “Wɔɔ lɛɛ wa ngɛ Mlaa, nɛ wa Mlaa a nya a, e sa gbenɔ, ejakaa e pee e he Mawu bi.”

Yohane 8:58

Yesu de mɛ ke: “I ngɛ nyɛ dee anɔkuale mi ke: I ngɛ loko Abraham ngɛ.”

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Filipibi 2:6

nɔ nɛ Mawu su ɔ mi e ngɛ mohu, se e bui sɔmi nɛ e kɛ Mawu sɔ ɔ kaa nɔ́ ko nɛ sa kaa e pɛtɛ he wawɛɛ;

Kpojemi 22:3

Nɛ musu ko musu ko be lejɛ ɔ hu. Mawu kɛ Tobi ɔ matsɛ sɛ ɔ maa ma si ngɛ e mi, nɛ e sɔmɔli ɔmɛ ma sɔmɔ lɛ,

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Yohane 8:54

Yesu he nɔ ke: “Ke i wo imi nitsɛ ye hɛ mi nyami ɔ, ye hɛ mi nyɛmi ɔ pi nɔ́ ko. Tsaatsɛ ji nɔ nɛ woɔ ye hɛ mi nyami, nɔ nɛ nyɛ deɔ ke nyɛ Mawu ji lɛ ɔ,

Yohane 7:19

Anɛ pi Mose nɛ ha nyɛ Mlaa a lo? Nɛ nyɛ ti nɔ ko yi Mlaa a nɔ. Mɛni he je nyɛ ngɛ mi hlae nɛ nyɛ maa gbe ɔ?”

Yohane 7:1

Enɛ ɔ se ɔ, Yesu kpa si ngɛ Galilea, se e sume kaa e ya kpaa si ngɛ Yudea ejakaa Yudafo ɔmɛ ngɛ lɛ hlae nɛ a gbe.

Yohane 5:16

Lɔ ɔ he ɔ, Yudafo ɔmɛ je a hɛ ka Yesu, nɛ a ngɛ lɛ hlae nɛ a gbe, ejakaa Hejɔɔmi Ligbi ɔ nɔ e pee nɔ́ nɛ ɔ ngɛ ɔ nɛ.

Yohane 14:9

Yesu de lɛ ke: “Pi mwɔnɛ nɛ i kɛ nyɛ ngɛ nɛ ɔ, o li mi lolo lo, Filipo? Nɔ nɛ na mi ɔ, e na Tsɛ ɔ, nɛ kɛ pee kɛɛ nɛ o deɔ ke: ‘Tsɔɔ wɔ Tsɛ ɔ?’

Mateo 12:5

Aloo nyɛ kane we ngɛ Mlaa a mi kaa Hejɔɔmi Ligbi ɔmɛ a nɔ ɔ, osɔfohi bleɔ Hejɔɔmi Ligbi ɔ ngɛ sɔlemi we ɔ nɛ a yi fɔ ɔ?

Yohane 1:19

Enɛ ɔ ji Yohane odase nɛ e ye, bene Yudafo ɔmɛ tsɔ osɔfohi kɛ Levibihi kɛ je Yerusalem nɛ a ba bi lɛ ke: “Mɛnɔ ji mo?” ɔ.

Yohane 5:15

Nyumu ɔ pue nɔ kɛ ho nɛ e ya sɛɛ ha Yudafo ɔmɛ ke Yesu ji nɔ nɛ tsa lɛ ɔ nɛ.

Yohane 5:17

Se Yesu he nɔ nɛ e de mɛ ke: “Tsaatsɛ ngɛ ni tsue kɛ mwɔɔ nɛ imi hu i ngɛ ni tsue.”