Yohane 4:46 - Somi He Ɔ

⁴⁶ Kɛkɛ nɛ Yesu ba Kana ngɛ Galilea, he nɛ e ha nyu plɛ wai ngɛ ɔ, ekohu. Matsɛ wenyumu ko ngɛ Kapernaum nɛ e bi ngɛ gboe.

BAIBLO ALOO NGMAMI KLƆUKLƆU Ɔ

⁴⁶ Jehanɛ ɔ, Yesu kpale kɛ ba Kana ngɛ Galilea, he nɛ e ha nyu plɛ pee wai ngɛ be ko ɔ ekohu. Tsɔlɔ nɔkɔtɔma ko ngɛ Kapernaum nɛ e bi be he wami.

Yohane 4:46 ပူးပေါင်းရင်းမြစ်များ

Luka 8:42

ejakaa e ngɛ biyo kaketoo pɛ nɛ ye maa pee jeha nyɔngma kɛ enyɔ nɛ e miɔ nɛ ma gbo. Benɛ Yesu yaa a, asafo ɔ tɔtɔ lɛ.

Luka 7:2

Jeha nɛ ɔ Roma aslaafohi lafa a nyatsɛ ko wenyumu nɛ e suɔ saminya ngɛ hiɔ nue nɛ e miɔ nɛ e ma gbo.

Mateo 15:22

Nɛ oʼɛ, Kanaanyo ko nɛ je lejɛ ɔ ni ɔmɛ a mi nɔuu ɔ ba kpa ngmlaa wo lɛ ke: “Naa mi mɔbɔ, Nyɔmtsɛ, David Bi; ye bi yo ngɛ nɔ nae kɛ mumi yayami.”

Mateo 9:18

Benɛ Yesu ngɛ munyu nɛ ɔmɛ tue kɛ ngɛ mɛ tsɔɔe ɔ, oʼɛ, nɔkɔtɔma ko ba ba kpla si ngɛ e hɛ mi nɛ e de lɛ ke: “Ye biyo je mi amlɔ nɛ ɔ; se ba nɛ o ba ngɔ o nine ngɔ fɔ e nɔ, nɛ e hɛ maa tsɛ.”

Yohane 21:2

Simon Petro kɛ Toma nɛ a tsɛɛ lɛ Didimo ɔ, kɛ Natanael nɛ je Kana ngɛ Galilea a, kɛ Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ngɛ he kake kutuu.

Mateo 4:13

nɛ e je Nazaret kɛ ba hi Kapernaum nɛ ngɛ wo nya a, ngɛ Zebulon kɛ Naftali ni ɔmɛ a mi;

Luka 4:23

Se e de mɛ ke: “Bɔ tsuaa bɔ nɛ pee ɔ nyɛ maa bu mi abɛ nɛ ɔ ke: ‘Tsopatsɛ, tsa mo nitse o he! Nihi abɔ nɛ wa nu kaa o pee ngɛ Kapernaum ɔ, pee ngɛ hiɛ ɔ nɛ ji mo nitse o ma a mi hulɔ.’ ”

Yohane 2:12

Enɛ ɔ se ɔ, e pue nɔ kɛ ho Kapernaum ya, lɛ kɛ e nyɛ kɛ e nyɛmimɛ kɛ e kaseli ɔmɛ, se a yi ligbi fuu ngɛ lejɛ ɔ.