Yohane 4:36 - Somi He Ɔ

³⁶ Nɔ nɛ kpaa a naa e hiɔwo, nɛ e kpaneɔ yiblii ɔmɛ a nya ngɔ toɔ neneene wami, konɛ nɔ nɛ duɔ ɔ kɛ nɔ nɛ kpaa a tsuo a nya si kake.

BAIBLO ALOO NGMAMI KLƆUKLƆU Ɔ

³⁶ Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

Yohane 4:36 ပူးပေါင်းရင်းမြစ်များ

Romabi 1:13

Se mamimɛ, i suɔ kaa nyɛɛ le kaa i pɔɔ ye yi mi tomi kaa ma ba nyɛ ngɔ kone ma ba na yiblii komɛ ngɛ nyɛ hu nyɛ kpɛti, kaa bɔ nɛ i na ke je majeli kpa amɛ a kpɛti ɔ, se a tsi ye nya kɛ ba ta piɔ.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

1 Timoteo 4:16

O hɛ nɛ hi o he nɔ kɛ o tsɔɔmi ɔ, hii si ngɛ ni nɛ ɔmɛ a mi; ejakaa ke o pee enɛ ɔ ɔ, o ma he mo nitsɛ kɛ nihi nɛ buɔ mo tue ɔ kulaa yi wami.

1 Tesalonikabi 2:19

Ejakaa mɛni ji wa hɛ kɛ nɔ fɔmi loo wa bua jɔmi loo wa fiami jlasi ngɛ wa Mawetsɛ Yesu Kristo hɛ mi ngɛ e bami be ɔ mi ɔ? Anɛ pi nyɛ nɔuu lo?

Mateo 19:29

Nɛ nɔ tsuaa nɔ nɛ si wehi loo nyɛmimɛ nyumuhi loo nyɛmimɛ yihi loo tsɛ loo nyɛ loo bimɛ loo zugbahi ngɛ ye biɛ ɔ he ɔ, a maa ma lɛ nane mi totoe lafa, nɛ e ma na neneene wami.

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

1 Korintobi 9:17

Ejakaa ke imi nitsɛ ye suɔmi nya nɛ i tsu enɛ ɔ ɔ, i ngɛ hiɔwo, se ke pi suɔmi nya tete ɔ, a tu sɔmɔlɔ nɔkɔtɔma yemi ni tsumi ngɔ wo ye dɛ kɛ̃.

1 Korintobi 9:18

Jehanɛ mɛni ji ye hiɔwo mɔ? Lɔ ɔ ji kaa ke i ngɛ sane kpakpa a jajee ɔ, ma jaje lɛ yaka, nɛ i he we nɔ ko ngɛ Kristo Sane Kpakpa a he, benɛ pee nɛ ma ko pee ye he blɔ nɛ i ngɛ ngɛ Sane Kpakpa a fiɛmi mi ɔ he nɔ ko tsɔ ko.