Yohane 3:5 - Somi He Ɔ

⁵ Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

BAIBLO ALOO NGMAMI KLƆUKLƆU Ɔ

⁵ Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.

Yohane 3:5 ပူးပေါင်းရင်းမြစ်များ

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Efesobi 5:26

konɛ e kɛ nyu he dumi ɔ nɛ tsukɔ e he ngɛ munyu mi nɛ e ha e pee klɔuklɔu,

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

1 Korintobi 6:11

Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

Mateo 3:11

Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Marko 16:16

Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

1 Korintobi 2:12

Wɔɔ lɛɛ, pi je nɔ mi mumi ɔ nɛ wa na, se mohu mumi nɛ je Mawu mi ɔ, konɛ waa le nihi nɛ Mawu kɛ dloo wɔ ɔ.

Yohane 1:13

nihi nɛ pi muɔ loo he loo nyumu ko suɔmi nya, se mohu Mawu mi a je kɛ fɔ mɛ.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

Galatabi 6:15

Ejakaa Kristo mi ɔ, nɔ pomi pi nɔ́ ko, nɛ mɔmlɔtɔ hu pi nɔ́ ko, se mohu bɔmi he kɛkɛ ji nɔ́ ko.

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Mateo 18:3

nɛ e ke: “Niinɛ, i ngɛ nyɛ dee ke: Ke nyɛ tsakee we nɛ nyɛ plɛ kaa jokuɛ tsɔwi ɔ, nyɛ be hiɔwe matsɛ yemi ɔ mi sɛe kulaa.

1 Petro 1:2

Nimli nɛ ɔmɛ ji nihi nɛ a hla, ngɛ Tsɛ Mawu ɔ yi mi tomi nya, ngɛ Mumi ɔ he tsukɔmi mi, kɛ ha Yesu Kristo tue bumi kɛ he fɔmi ngɛ e muɔ ɔ mi. Dloomi kɛ hejɔmi nɛ e hiɛ fuu ha nyɛ!

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

Luka 13:3

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata ja kɛ̃.

Mateo 5:20

I ngɛ nyɛ dee ke: Ke nyɛ dami ɔ pa we mlaa tsɔɔli ɔmɛ kɛ Farisifo ɔmɛ a nɔ ɔ, nyɛ be hiɔwe matsɛ yemi ɔ mi sɛe kulaa.”

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Luka 13:24

“Nyɛɛ plee agbo tokofii ɔ mi sɛmi he, ejakaa i ngɛ nyɛ dee ke, nihi fuu ma hla nɛ a sɛ mi, se a be nyɛe.

Luka 13:5

Dɛbi, se mohu i ngɛ nyɛ dee ke, ke nyɛ tsakee we nyɛ blɔ ɔmɛ ɔ, nyɛ tsuo nyɛ hɛ mi ma kpata jã kɛ.”

Mateo 19:24

Se jeha nɛ ɔ hu i ngɛ nyɛ dee ke: E wɛ́ hi afukpɔngɔ kaa e maa gu abui hɛngmɛ mi, kaa bɔ nɛ e waa haa nitsɛ kaa e maa sɛ Mawu matsɛ yemi ɔ mi ɔ.”

Mateo 21:31

Ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛɔ suɔ ɔ?” A de lɛ ke: “Nɔkɔtɔma a ʼi.” Yesu de mɛ ke: “Niinɛ, i ngɛ nyɛ dee ke, onia tsuli ɔmɛ kɛ ajuama amɛ ngɛ nyɛ hlami sɛe kɛ yaa hiɔwe matsɛ yemi ɔ mi.

Marko 9:47

Nɛ ke o hɛngmɛ ngɛ o nane kpatae ɔ, hia nɛ o sake ngɔ fɔ he; afani nɛ o kɛ hɛngmɛ kake sɛ Mawu matsɛ yemi ɔ mi pe nɛ o hɛɛ hɛngmɛ enyɔ nɛ a ma sake mo ngɔ fɔ gehena la a mi,

Marko 10:14

Se benɛ Yesu na a, e tsui fia, nɛ e de e kaseli ɔmɛ ke: “Nyɛ ha jokuɛ ɔmɛ nɛ a ba ye ngɔ, nɛ nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Yohane 3:4

Nikodemo bi lɛ ke: “Kɛ e maa pee kɛɛ nɛ benɛ nɔmlɔ bwɔ ɔ nɛ a ma fɔ lɛ hu? Anɛ e ma nyɛ e nyɛ muklii mi maa sɛ ekohu nɛ a fɔ lɛ lo?”

1 Korintobi 15:50

Mamimɛ, nɔ́ nɛ i ngɛ tsɔɔe ji kaa, he lo kɛ muɔ nine be Mawu matsɛ yemi ɔ nɔ sue, nɛ jehanɛ puemi hu nine be nɔ́ nɛ puɛ we ɔ nɔ sue.