Yohane 3:35 - Somi He Ɔ

³⁵ Tsɛ ɔ suɔ Bi ɔ, nɛ e tu nihi kulaa ngɔ wo e dɛ.

BAIBLO ALOO NGMAMI KLƆUKLƆU Ɔ

³⁵ Tsɛ ɔ suɔ e Bi ɔ, nɛ e tu nihi tsuo ngɔ wo e dɛ mi.

Yohane 3:35 ပူးပေါင်းရင်းမြစ်များ

Mateo 28:18

Nɛ Yesu ba nɛ e kɛ mɛ ba tu munyu ke: “A ngɔ he blɔ tsuo ngɔ ha mi ngɛ hiɔwe kɛ zugba a nɔ.

Yohane 5:22

Ejakaa Tsɛ ɔ kojo we nɔ ko, se e tu kojomi ɔ tsuo ngɔ wo Bi ɔ dɛ;

Yohane 5:20

Ejakaa Tsɛ ɔ suɔ Bi ɔ, nɛ e tsɔɔ lɛ nihi kulaa nɛ lɛ nitse e peɔ ɔ, nɛ e maa tsɔɔ lɛ ni tsumi nguahi nɛ pe enɛ ɔmɛ tete, nɛ nyɛ nya maa kpɛ nyɛ he.

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Efesobi 1:22

Mawu ngɔ nihi kulaa ngɔ to Kristo nane si, nɛ e ngɔ lɛ ngɔ to nihi kulaa yi ngɔ ha asafo ɔ.

Yohane 13:3

Nɛ Yesu le kaa Tsɛ ɔ tu nihi tsuo kulaa ngɔ wo e dɛ, nɛ kaa Mawu ngɔ e je nɛ e kpale yaa Mawu ngɔ ɔ,

1 Petro 3:22

nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

1 Korintobi 15:27

Ejakaa ngmami ɔ ke: “Mawu ngɔ nihi tsuo kulaa ngɔ wo e nane si.” Se ke e de ke a ngɔ nihi kulaa ngɔ wo e sisi ɔ, blɔɔ e ngɛ paa kaa nɔ nɛ ngɔ nihi kulaa ngɔ wo e sisi ɔ be mi.

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;

Yohane 17:26

nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Yohane 15:9

Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi.

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Mateo 3:17

Nɛ oʼɛ, gbi ko je hiɔwe ke: “Nɔ nɛ ɔ ji ye suɔmi bi nɛ i ngɛ e he tsui ɔ nɛ.”