Yohane 3:34 - Somi He Ɔ

³⁴ Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

BAIBLO ALOO NGMAMI KLƆUKLƆU Ɔ

³⁴ Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yohane 3:34 ပူးပေါင်းရင်းမြစ်များ

Mateo 12:18

“Oʼɛ, ye tsɔlɔ nɛ i hla a, Ye suɔlɔ nɛ ye klaa naa e he tsui ɔ, I kɛ ye mumi ɔ maa to e nɔ, Nɛ e maa fiɛ kojomi ngɔ tsɔɔ majeli ɔmɛ.

Luka 4:18

“Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

Yohane 1:16

Ejakaa e hyi mi ɔ mi je nɛ wɔ tsuo wa na dloomi ngɔ si dloomi nɔ.

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 16:7

Se kɛ̃ ɔ, i ngɛ nyɛ anɔkuale dee: e hi ha nyɛ kaa ma je; mɛni he je ɔ, ke i ji ɔ, Hepiɛlɔ ɔ be nyɛ ngɔ bae; se ke i je ɔ, ma ha e ba nyɛ ngɔ.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

Yohane 7:16

Yesu he nɔ nɛ e de mɛ ke: “Ye ni tsumi ɔ, tsa pi ye nɔ, se mohu nɔ nɛ tsɔ mi ɔ nɔ.

Yohane 8:40

Se jeha nɛ ɔ nyɛ ngɛ mi hlae nɛ nyɛɛ gbe, imi nɔmlɔ ko nɛ i de nyɛ anɔkuale nɛ i nu ngɛ Mawu nya a; Abraham pee we enɛ ɔ.

Yohane 8:47

Nɔ nɛ je Mawu mi ɔ, e nuɔ Mawu munyu; lɔ ɔ he nɛ nyɛɛ lɛɛ nyɛ nui ɔ nɛ, ejakaa nyɛ ji Mawu mi.”

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya a. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ kɛ wo e kaseli nɛ e hla amɛ kita.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Kolosebi 1:19

Ejakaa e sa Mawu hɛ mi kaa fuu hyimi kulaa nɛ hi e mi;

Kolosebi 2:9

Ejakaa e mi Mawu fuu hyimi ɔ kulaa hii ngɛ nɔmlɔ tso su mi;

Kpojemi 21:6

Nɛ e de mi ke: “A gbe nya. Ami ji Alfa a kɛ Omega a nɛ, sisije ɔ kɛ nyagbe ɔ. Nɔ nɛ kuma ngɛ lɛ tɔe ɔ, ma ha lɛ wami nyu vu ɔ mi nyu ɔ eko nɛ e nu yaka gu.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,