Yohane 3:21 - Somi He Ɔ

²¹ Se nɔ nɛ peɔ anɔkuale nihi ɔ baa la a he, konɛ e ni tsumi ɔmɛ nɛ je kpo, ejakaa Mawu mi a tsu mɛ ngɛ.

BAIBLO ALOO NGMAMI KLƆUKLƆU Ɔ

²¹ Se nɔ tsuaa nɔ nɛ nyɛɛɔ anɔkuale se ɔ, e baa la a nya, konɛ la a nɛ tsɔɔ kaa e peeɔ Mawu suɔmi nya ní.

Yohane 3:21 ပူးပေါင်းရင်းမြစ်များ

1 Yohane 1:6

Ke wa de ke waa kɛ lɛ ngɛ huɛ bɔe, se wa nyɛɛ diblii ɔ mi ɔ, wa ngɛ lakpa yee nɛ wa tu we anɔkuale.

3 Yohane 1:11

Mami nɛ i suɔ, koo kase nɔ yaya, se moo kase nɔ kpakpa mohu. Nɔ nɛ peɔ nɔ kpakpa a, e je Mawu mi; nɔ nɛ peɔ nɔ yaya a, e nɛ Mawu.

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Galatabi 6:8

Ejakaa nɔ nɛ duɔ ni ngɛ lɛ nitsɛ e he lo mi ɔ, e he lo ɔ mi e ma kpa puemi kɛ je. Se nɔ nɛ duɔ ni ngɛ Mumi mi ɔ, Mumi ɔ mi nɔuu e ma kpa neneene wami kɛ je.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Kolosebi 1:29

Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Yohane 1:47

Yesu na Natanael ma e ngɔ, nɛ e de ngɛ e he ke: “Oʼɛ anɔkuale Israelno, nɔ nɛ sisimi be e mi.”

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

1 Korintobi 15:10

Se Mawu dloomi nya i kɛ ji nɔ nɛ i ji nɛ ɔ nɛ, nɛ e dloomi nɛ e kɛ dloomi ɔ pee we yaka; se mohu, i tsu ni wawɛɛ pe mɛ tsuo pɛpɛɛpɛ, se pi imi tete, se mohu Mawu dloomi nɛ kɛ mi ngɛ ɔ.

Kpojemi 3:15

I le oni tsumi ɔmɛ kaa o be yluduu nɛ o be kɛlakɛla hulɔ. Oo, jinɛ o ko pee yluduu loo o ko pee kɛlakɛla!

Yohane 3:20

nɛ nɔ tsuaa nɔ nɛ tsuɔ ni yayamihi ɔ nyɛɛ la a, nɛ e bɛ la a he, konɛ a ko je e ni tsumi ɔmɛ kpo.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.