Yohane 3:19 - Somi He Ɔ

¹⁹ Se kojomi ɔ ji nɛ ɔ nɛ, kaa la a ba je ɔ mi, nɛ nimli suɔ diblii ɔ mohu pe la a, ejakaa a ni tsumi ɔmɛ ɔ yayami ʼi;

BAIBLO ALOO NGMAMI KLƆUKLƆU Ɔ

¹⁹ Nɔ́ nɛ nɔ nɛ a da kɛ bu mɛ fɔ ji nɛ ɔ nɛ: la a ba je ɔ mi, se adesa suɔ diblii ɔ mohu pe la a, ejakaa a peeɔ yayami.

Yohane 3:19 ပူးပေါင်းရင်းမြစ်များ

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

2 Tesalonikabi 2:12

konɛ a kojo nihi kulaa nɛ he we anɔkuale ɔ yi, se a naa nihi nɛ dɛ blɔ ɔmɛ mohu a he tsui ɔ.

Romabi 2:8

Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.

Yohane 12:43

ejakaa a suɔ nimli a hɛ mi nyami pe Mawu nɔ́.

Romabi 1:32

nihi nɛ le Mawu mlaa a tutuutu, kaa nihi nɛ tsuɔ lɛ ni nɛ ɔmɛ ɔ, a sa gbenɔ, nɛ kɛ ɔ pi peemi kɛkɛ nɛ a peɔ, se mohu a naa ni nɛ tsuɔ jamɛ a ni nɛ ɔmɛ a he tsui hulɔ.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

Yohane 1:4

E mi wami ngɛ, nɛ wami ɔ ji nimli a la a nɛ;

Luka 12:47

“Se jamɛ a tsɔlɔ ɔ nɛ le e nyɔmtsɛ suɔmi nya ni nɛ e dla we e he ngɔ tui nɛ e pa pee we e suɔmi nyɛ ni ɔ, a maa fia lɛ kpa fuu;

1 Petro 2:8

Nɛ ngmami kpã ko hu de ke: “Enɛ ɔ ji si tɛmi tɛ Kɛ nane kpatami tɛ sa ha mɛ.” Ejakaa akɛnɛ a bui munyu ɔ tue he je ɔ, a tɛ si nɛ kɔlɔ ɔ nɔuu Mawu to ha mɛ.

Yohane 7:7

Je ɔ be nyɛe nyɛ maa nyɛ, se imi lɛɛ e nyɛɛ mi, ejakaa i yeɔ e he odase kaa e ni tsumi ɔmɛ ɔ ni tsumi yayamihi ʼi.

Yohane 7:17

Ke nɔ ko suɔ kaa e pee e suɔmi nya ni ɔ, lɛ ji nɔ nɛ ma yo ngɛ tsɔɔmi ɔ he kaa Mawu dɛ mi e je aloo imi nitsɛ ye yi mi i toɔ nɛ i tuɔ munyu.

Luka 16:14

Nɛ Farisifo ɔmɛ nɛ ji sikasuɔli ɔmɛ nu ni nɛ ɔmɛ tsuo nɛ a muɔ lɛ.

Yohane 1:5

nɛ la a ngɛ tsoe ngɛ diblii ɔ mi, nɛ diblii ɔ nyɛ we nya nɛ e da.

Yohane 9:5

Be abɔ nɛ i ngɛ je ɔ mi nɛ ɔ, je ɔ la ji mi.”

Yohane 12:31

Jeha nɛ ɔ je nɛ ɔ mi kojomi ɔ su; kpaako a maa hia je nɛ ɔ mi matsɛ ɔ ngɔ sake ngɔ fɔ he.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.