Yohane 3:18 - Somi He Ɔ

¹⁸ Nɔ nɛ heɔ e nɔ yeɔ, a kojo we lɛ, se nɔ nɛ he we yi ɔ, a kojo lɛ momo, ejakaa e he we Mawu bi kake ɔ nɔ yi.

BAIBLO ALOO NGMAMI KLƆUKLƆU Ɔ

¹⁸ Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 3:18 ပူးပေါင်းရင်းမြစ်များ

Marko 16:16

Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 1:18

Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Romabi 5:1

Jeha nɛ ɔ akɛnɛ a gu hemi kɛ yemi nɔ wo wɔ nguɔ he je ɔ, waa kɛ Mawu kpɛti ngɛ he jɔmi ngɛ wa Nyɔmtsɛ Yesu Kristo he.

Romabi 8:1

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

Hebribi 12:25

Nyɛɛ hyɛ nɛ hi konɛ nyɛ ko kua nɔ nɛ ngɛ munyu tue ɔ munyu ɔ, ejakaa ke nihi nɛ kua nɔ nɛ tu munyu tsɔɔ mɛ ngɛ zugba a nɔ munyu ɔ a he ji mi ɔ, lɛɛ ke wa kpale kɛ je nɔ nɛ jee hiɔwe tuɔ munyu ɔ se ɔ, wɔ mohu wa he be mi jee kɔkɔɔkɔ;

Hebribi 2:3

kɛ wa maa pee kɛ tu nya fo kɛɛ, ke wa bui kikɛmɛ a yi wami hemi kpetekpleenyɛ nɛ ɔ? Nyɔmtsɛ ɔ nitsɛ ji nɔ nɛ tu he munyu kekle, nɛ ninɛmɛ nɛ nu ɔ hu ma nɔ mi ha wɔ,

Hebribi 3:19

Nɛ wa naa kaa hemi nɛ a he we yi ɔ he nɛ a nyɛ we mi nɛ a sɛ ɔ nɛ.

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Yohane 4:9

Enɛ ɔ mi Mawu suɔmi nɛ e kɛ suɔ wɔ ɔ jee kpo ngɛ, kaa Mawu tsɔ iɛ nitsɛ e Bi kake ɔ kɛ ba je ɔ mi, konɛ waa gu e nɔ nɛ wa na wami.

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

1 Yohane 5:12

Nɔ tsuaa nɔ nɛ ngɛ Bi ɔ, e ngɛ wami; nɔ nɛ be Bi ɔ e be wami hulɔ.