Yohane 3:15 - Somi He Ɔ

¹⁵ Konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

BAIBLO ALOO NGMAMI KLƆUKLƆU Ɔ

¹⁵ konɛ nɔ tsuaa nɔ nɛ heɔ lɛ yeɔ ɔ, e na neneene wami.

Yohane 3:15 ပူးပေါင်းရင်းမြစ်များ

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Luka 19:10

Ejakaa Nɔmlɔ Bi ɔ ba nɔ nɛ laa a hlami kɛ yi wami hemi.”

Galatabi 2:16

Se kɛ̃ ɔ, wa le kaa a wui nɔmlɔ nguɔ kɛ ji mlaa ni tsumihi a mi, kaa ja a gu Yesu Kristo nɔ hemi kɛ yemi ɔ kɛkɛ nɔ; enɛ ɔ he je ɔ, wɔ hu wa he Kristo Yesu nɔ ye, konɛ a wo wɔ nguɔ kɛ je Kristo nɔ hemi kɛ yemi mi, nɛ pi mlaa ni tsumihi a mi; ejakaa a be he lo ko he lo ko nguɔ woe kɛ je mlaa ni tsumihi a mi.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

Hebribi 10:39

Se wɔɔ lɛɛ tsa pi nihi nɛ kpaleɔ kɛ yaa hɛ mi patami mi mi ɔ a ti nikomɛ ji wɔ se mohu wɔ ji nihi nɛ kɛ hemi kɛ yemi naa a klaa yi wami hemi ɔ a ti ni komɛ.

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Marko 16:16

Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

2 Korintobi 4:3

Se ke pe a ha wa Sane Kpakpa a nɔ tete po ɔ, nihi nɛ a hɛ mi ngɛ kpatae ɔmɛ a mi kɛkɛ a ha nɔ ngɛ,

1 Korintobi 1:18

Ejakaa seumi tso ɔ he sane ɔ ji kuasiahi a sane ha nihi nɛ hɛ mi kpataa a, se wɔ nihi nɛ a heɔ wa yi wami ɔ, e ji Mawu he wami ha wɔ.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Ni Tsumi 13:41

‘Nyɛ he guɛ gbeli, nyɛɛ hyɛ nɛ nyɛ hɛ mi nɛ pee nyɛ yaa, nɛ nyɛɛ laa; Ejakaa ma tsu ni tsumi ko ngɛ nyɛ yi nɔ, Ni tsumi ko nɛ ke nɔ ko sɛɛ ha nyɛ tete po ɔ, Nyɛ be hee maa ye kɔkɔɔkɔ.’ ”

Mateo 18:10

“Nyɛɛ hyɛ saminyɛ konɛ nyɛ ko gbe ni tsɔwi nɛ ɔmɛ a ti nɔ kake he guɛ; ejakaa i ngɛ nyɛ dee ke, a bɔfohi nɛ ngɛ hiɔwe ɔ hyɛɛ Tsaatsɛ nɛ ngɛ hiɔwe ɔ hɛ mi daa.” [

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”