Yohane 3:11 - Somi He Ɔ

¹¹ I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.

BAIBLO ALOO NGMAMI KLƆUKLƆU Ɔ

¹¹ I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Yohane 3:11 ပူးပေါင်းရင်းမြစ်များ

Yohane 8:38

Ini lɛɛ nihi nɛ i na ngɛ Tsaatsɛ he ɔ, lɔ ɔ i deɔ; nɛ nyɛ hu nihi nɛ nyɛ nu kɛ je nyɛ tsɛ nya a, kɔlɔ ɔ nyɛ peɔ.”

Yohane 14:24

Nɔ nɛ sume mi ɔ, e yi ye munyu nɔ. Nɛ munyu nɛ nyɛ ngɛ nue ɔ, pi ye nɔ, se mohu Tsɛ nɛ tsɔ mi ɔ nɔ ʼi.

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 8:14

Yesu he nɔ nɛ e de mɛ ke: “Ke i ngɛ imi nitsɛ ye he odase yee hu po ɔ, ye dase ɔ ngɛ mi, ejakaa i le he nɛ i je kɛ he nɛ i yaa, se nyɛɛ lɛɛ, nyɛ li he nɛ i je loo he nɛ i yaa.

Yohane 7:16

Yesu he nɔ nɛ e de mɛ ke: “Ye ni tsumi ɔ, tsa pi ye nɔ, se mohu nɔ nɛ tsɔ mi ɔ nɔ.

Yohane 1:18

Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

Yohane 1:11

Lɛ nitse e nihi a ngɔ e ba, nɛ nihi nɛ ji lɛ nitse e ni ɔmɛ he we lɛ.

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Ni Tsumi 22:18

nɛ i na lɛ nɛ e ngɛ mi dee ke: ‘Pee esɔ nɛ o je Yerusalem, ejakaa a be ye he odase nɛ o ngɛ yee ɔ tue bue.’

Yohane 5:43

Imi lɛɛ i ba ngɛ Tsaatsɛ biɛ mi, nɛ nyɛ he we mi; ke nɔ kpa ko ba ngɛ lɛ nitsɛ e biɛ mi ɔ, lɛɛ nyɛ ma he lɛ.

Yohane 3:13

Nɔ ko kue kɛ yɛ hiɔwe, kaa ja nɔ nɛ je hiɔwe kple si ɔ, Nɔmlɔ Bi ɔ nɛ ngɛ hiɔwe ɔ.”

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Mateo 23:37

“Oo Yerusalem, Yerusalem, mo nɛ o gbee gbali ɔmɛ nɛ o fiaa nihi nɛ a tsɔ mɛ o ngɔ ɔ tɛ; si nyɛmɛ i hla kaa jinɛ i buaa o bimɛ a nya kaa bɔ nɛ kungwɔ buaa e bimɛ a nya woɔ e pɛlihi a sisi ɔ, nɛ nyɛ kplɛɛ we!

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Yohane 3:12

Ke i de nyɛ zugba nɔ nihi nɛ nyɛ he we yi ɔ, kɛ maa pee kɛɛ nɛ ke ide nyɛ hiɔwe nihi ɔ nɛ nyɛ ma he ye?

Yohane 8:26

I ngɛ nyɛ he sanehi fuu nɛ ma de nɛ ma kɛ kojo nyɛ; se kɛ̃ ɔ, nɔ nɛ tsɔ mi ɔ anɔkualetsɛ ʼi, nɛ imi lɛɛ nihi nɛ i nu kɛ je e nya a, lɔ ɔmɛ nɔuu i deɔ ngɔ tsɔɔ je ɔ nɛ.”