Yohane 21:5 - Somi He Ɔ

⁵ Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

BAIBLO ALOO NGMAMI KLƆUKLƆU Ɔ

⁵ E bi mɛ ke, “Ye bimɛ, nyɛ ná nɔ́ ko lo?” A he nɔ ke, “Dɛbi, wa nɛ́ nɔ́ ko nɔ́ ko.”

Yohane 21:5 ပူးပေါင်းရင်းမြစ်များ

Mateo 14:15

Nɛ benɛ su gbɔkuɛ ɔ, e kaseli ɔmɛ ba e ngɔ ba de lɛ ke: “Nga nɔ ji hiɛ ɔ, nɛ je ngɛ jɔe; je asafo ɔ blɔ nɛ a ya ma amɛ a mi nɛ a ya he niyeni.”

Marko 8:7

A ngɛ lo tsɔwi bɔɔ komɛ hulɔ, nɛ e gbaa nɔ, nɛ e fa ke a gba kɔlɔ ɔ hu ha mɛ.

Filipibi 4:19

Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

Hebribi 13:5

Sika suɔmi nɛ ko sɛ nyɛ si himi mi, nɛ nyɛ bua nɛ jɔ nihi nɛ nyɛ ngɛ ɔ he, ejakaa Mawu ke: “I be mo sie, nɛ jehanɛ hu i be mo kuae ligbi ko ligbi ko.”

1 Yohane 2:13

I ngɛ nyɛ ngmɛe, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ ye nɔ yayami ɔ nɔ kunimi. I ngɛ nyɛ ngmae, jokuɛwi, ejakaa nyɛ le Tsɛ ɔ.

1 Yohane 2:18

Ye bimɛ, nyagbe ngmlɛfia a ji nɛ ɔ nɛ; nɛ bɔ nɛ nyɛ nu kaa lakpa kristo ɔ ma, nɛ jehanɛ lakpa kristohi fuu ba, he je ɔ, wa le kaa nyagbe ngmlɛfia a ji nɛ ɔ nɛ.