Yohane 21:23 - Somi He Ɔ

²³ Kɛkɛ nɛ munyu nɛ ɔ gbɛ fia ngɛ nyɛmimɛ ɔmɛ a kpɛti ke jamɛ a kaselɔ ɔ be gboe. Kpahu Yesu de we ke e be gboe, se mohu e ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ?”

BAIBLO ALOO NGMAMI KLƆUKLƆU Ɔ

²³ Munyu nɛ ɔ ba pɛ ngɛ Yesu se nyɛɛli ɔmɛ a tue mi kaa kaselɔ nɛ ɔ be gboe gblegbleegble. Kpahu Yesu de we ke e be gboe; se mohu e ke, “Ke i suɔ kaa e hi si kɛ yaa si ma kpale kɛ ba a, mɛni lɔ ɔ kɔɔ ngɛ o he?”

Yohane 21:23 ပူးပေါင်းရင်းမြစ်များ

Ni Tsumi 1:15

Jamɛ a be ɔmɛ a mi ɔ, Petro te si da kaseli ɔmɛ a kpɛti, nihi nɛ bua a he nya a, maa pee nihi lafa kɛ nyingmi enyɔ, nɛ e ke:

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Ni Tsumi 6:3

Lɔ ɔ he ɔ, mamimɛ, nyɛɛ hla nyɛ kpɛti ni kpaago nɛ ngɛ biɛ kpakpa nɛ Mumi Klɔuklɔu kɛ ni lemi hyi mɛ tɔ, konɛ waa ngɔ mɛ ngɔ to kikɛmɛ a ni tsumi nɛ he hia nɔ nya.

Ni Tsumi 28:14

Wa ba na nyɛmimɛ komɛ ngɛ lejɛ ɔ. A kpa wɔ pɛɛ ke waa kɛ mɛ nɛ hi si ligbi kpaago. Kɛkɛ nɛ wa ba su Roma.

1 Korintobi 4:5

Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

1 Korintobi 11:26

Ejakaa si abɔ nɛ nyɛ yeɔ kikɛmɛ a bolo nɛ ɔ, nɛ nyɛ nuu kikɛmɛ a kplu nɛ ɔ hulɔ ɔ, nyɛ ngɛ Nyɔmtsɛ ɔ gbenɔ ɔ jajee kɛ ngɛ tsɔɔe kɛ maa su be nɛ e maa ba.

Yakobo 5:7

Lɔ ɔ he ɔ mamimɛ, nyɛɛ to nyɛ tsui si, kɛ ya su Nyɔmtsɛ ɔ bami be ɔ. Nyɛɛ hyɛ bɔ nɛ hulɔ ɔ mlɛɔ zugba a ni bami nɛ he jua wa, nɛ e toɔ e tsui si ngɛ he kɛ ya suu be nɛ gbo kɛ gbiɛ nyu nɛɛ ɔ;

Kpojemi 2:25

Se nɔ́ nɛ nyɛ ngɛ ɔ nyɛɛ hɛɛ mi ka ya su be nɛ ma ba.