Yohane 21:17 - Somi He Ɔ

¹⁷ Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

BAIBLO ALOO NGMAMI KLƆUKLƆU Ɔ

¹⁷ Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 21:17 ပူးပေါင်းရင်းမြစ်များ

Yohane 13:38

Yesu he nɔ ke: “O maa ngɔ o wami ngɔ fɔ si ngɛ ye he lo? I ngɛ mo dee anɔkuale mi ke: Kungwɔ be nɔ kpae nɛ o ma kpa ngɛ ye se si etɛ.”

Marko 14:72

Nɛ amlɔ ɔ kungwɔ kpa nɔ nɛ ji si enyɔ; nɛ Petro kai munyu nɛ Yesu de lɛ ɔ ke: “Kungwɔ be nɔ kpae si enyɔ nɛ o ma kpa ngɛ ye se si etɛ” ɔ. Nɛ benɛ e kai ɔ e wo ya.

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

Efesobi 4:30

Nɛ nyɛ ko pee Mawu Mumi Klɔuklɔu ɔ nɔdɔ nɔ́, nɔ mi nɛ pa sɔu nyɛ nya ngɛ ngɔ to kpɔmi ligbi ɔ.

Ni Tsumi 15:8

Nɛ Mawu nɛ le tsui mi nihi ɔ ye mɛ odase nɛ e ha mɛ Mumi Klɔuklɔu ɔ kaa bɔ nɛ e ha wɔ ɔ nɔuu,

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

2 Petro 3:1

Mamimɛ, enɛ ɔ ji womi nɛ ji enyɔ sɔuu nɛ i ngɛ nyɛ ngmae, nɛ lɛ tsuo mi ɔ, i kɛ kaimi tsɛ̃ɛ nyɛ juɛmi klɔuu ɔ hɛ.

1 Petro 1:6

Nyɛ bua nɛ jɔ ngɛ enɛ ɔ he, pohu e maa hia kaa nyɛ maa ye kɔmɔ bɔɔ ko amlɔ nɛ ngɛ kahi slɔɔtohi a mi;

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

Ni Tsumi 1:24

Nɛ a sɔle ke: “Mo, Nyɔmtsɛ nɛ o le nimli kulaa a tsui mi, tsɔɔ ni enyɔ nɛ ɔmɛ a ti nɔ nɛ o hla,

Yohane 18:27

Nɛ Petro kua ekohu, kɛkɛ nɛ nɔuu nɛ kungwɔ kpa nɔ.

Yohane 18:4

Akɛnɛ Yesu le nihi tsuo nɛ ma e nɔ ɔ, e je kpo nɛ e bi mɛ ke: “Mɛnɔ nyɛ ngɛ hlae?”

Yohane 12:8

Ejakaa ohiafo ɔmɛ ɔ, nyɛɛ kɛ mɛ ngɛ daa, se imi lɛɛ, pi daa nɛ nyɛɛ kɛ mi ngɛ.”

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Kpojemi 3:19

Imi lɛɛ, nihi abɔ nɛ i suɔ ɔ, i kãa mɛ nɛ i gblaa a tue; lɔ ɔ he ɔ, o hɛ nɛ dɔ nɛ o tsake o tsui!

Yohane 21:18

I ngɛ mo dee anɔkuale mi ke: Benɛ o ji niheyo ɔ, mo nitsɛ o miaa nɛ o nyɛɛ he nɛ o suɔ; se ke o bwɔ ɔ, o ma kpã o nine mi, nɛ nɔ kpa maa mia mo, nɛ e kɛ mo maa ya he nɛ o sume.”

Yohane 4:16

Yesu de lɛ ke: “Yaa nɛ o ya tsɛ o huno nɛ o kɛ lɛ nɛ ba hiɛ ɔ.”

Ni Tsumi 11:10

A pee jã si etɛ, nɛ a sa kulaa kɛ ho hiɔwe ya ekohu,