Yohane 21:10 - Somi He Ɔ

¹⁰ Nɛ Yesu de mɛ ke: “Nyɛɛ kɛ lo nɛ nyɛ gbe piɔ ɔ eko nɛ ba.”

BAIBLO ALOO NGMAMI KLƆUKLƆU Ɔ

¹⁰ Yesu de mɛ ke, “Nyɛɛ ngɔ lo nɛ nyɛ gbe ɔ eko kɛ ba.”

Yohane 21:10 ပူးပေါင်းရင်းမြစ်များ

Yohane 6:9

“Jokuɛ nyumuyo ko ngɛ hiɛ ɔ nɛ ngɛ ngma abolo enuɔ kɛ lo tsɔwi enyɔ; se nihi fuu nɛ ɔ, jije enɛ ɔ maa su ha mɛ?”

Yohane 6:11

Nɛ Yesu kukuɔ abolo ɔmɛ, nɛ benɛ e na si ɔ, e dla ngɔ ha nihi nɛ hii si ɔmɛ kɛ lo ɔ hu eko, bɔ tsuaa bɔ nɛ a ngɛ hlae.

Yohane 21:9

Nɛ benɛ a ba kple ɔ, a na hã kɛ la ngɛ lejɛ ɔ nɛ lo pueɔ si ngɛ nɔ, kɛ abolo.

Yohane 21:11

Simon Petro ya lɛ ɔ mi nɛ e ya gbla ya a kɛ ba zugba kɛ e mi lo nguahi fuu tɔ, lafa kɛ nyingmi enuɔ kɛ etɛ. Lo ɔmɛ hiɛ kikɛ mohu, se kɛ̃ ɔ ya a gba we.

Yohane 21:13

Kɛkɛ nɛ Yesu ba nɛ e ba kɛ̃ abolo ɔ, nɛ e ngɔ ha mɛ, kɛ lo ɔ hulɔ.

Luka 24:41

Se benɛ a he we yi kɛ mwɔɔ ngɛ bua jɔmi sɔuu he nɛ a hɛ mi pee mɛ yaa a, e bi mɛ ke: “Nyɛ ngɛ nɔ ko nɛ a yeɔ ngɛ hiɛ ɔ lo?”