Yohane 20:23 - Somi He Ɔ

²³ Nihi a he yayami nɛ nyɛ ma ngɔ pa a, a ngɔ pa; nɛ nihi a he yayami nɛ nyɛɛ kɛ maa to ɔ, a ngɔ to.”

BAIBLO ALOO NGMAMI KLƆUKLƆU Ɔ

²³ Ke nyɛ ngɔ nɔ ko he yayami kɛ pa lɛ ɔ, a kɛ pa; nɛ ke nyɛ ngɔ nɔ ko he yayami kɛ to ɔ, a ngɔ to.”

Yohane 20:23 ပူးပေါင်းရင်းမြစ်များ

Mateo 18:18

“Niinɛ, i ngɛ nyɛ dee ke: Nɔ tsuaa nɔ nɛ nyɛ maa fi ngɛ zugba a nɔ ɔ, a maa fi ngɛ hiɔwe; nɛ nɔ tsuaa nɔ nyɛ maa pɛne ngɛ zugba a nɔ ɔ, a maa pɛne ngɛ hiɔwe.

Mateo 16:19

Nɛ ma ngɔ hiɔwe matsɛ yemi ɔ nya safe ɔmɛ ngɔ ha mo; nɛ nɔ́ tsuaa nɔ́ nɛ o maa fi ngɛ zugba a nɔ ɔ, a maa fi ngɛ hiɔwe; nɛ nɔ́ tsuaa nɔ́ nɛ o maa pɛne ngɛ zugba a nɔ ɔ, a maa pɛne ngɛ hiɔwe.”

1 Timoteo 1:20

a ti ni komɛ ji Himeneo kɛ Aleksandro, nihi nɛ i tu ngɔ wo Satan dɛ mi, konɛ a gbla a tue nɛ a ko tu musu bɔmi munyuhi hu ɔ.

Ni Tsumi 10:43

Lɛ e he odase gbali ɔmɛ kulaa yeɔ, kaa nɔ tsuaa nɔ nɛ heɔ e nɔ yeɔ ɔ ma na e he yayami pami ngɛ e biɛ ɔ he.”

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

1 Korintobi 5:4

ke nyɛ kpe ngɛ wa Nyɔmtsɛ Yesu Kristo biɛ mi, nɛ ye mumi ɔ kɛ wa Nyɔmtsɛ Yesu Kristo he wami piɛ nyɛ he ɔ,

Efesobi 2:20

nɛ a fia nyɛ ngɔ ma bɔfo ɔmɛ kɛ gbali ɔmɛ a sisi tomi ɔ nɛ e kɔ nya tɛ ji Kristo Yesu ɔ nɔ,

Yohane 20:22

Nɛ benɛ e de ja a, e mu ngɔ pue a nɔ, nɛ e de mɛ ke: “Nyɛ he Mumi Klɔuklɔu ɔ!