Yohane 20:19 - Somi He Ɔ

¹⁹ Jeha nɛ ɔ jamɛ a ligbi ɔ nɛ ji otsi ɔ mi kekleekle ligbi ɔ nɔ gbɔkuɛ ɔ nɔuu, benɛ Yudafo ɔmɛ a he gbeye he je ɔ a nga he nɛ kaseli ɔmɛ bua a he nya ɔ sinya amɛ ɔ, Yesu ba nɛ e ba da a kpɛti nɛ e de mɛ ke: “Nyɛ he manye!”

BAIBLO ALOO NGMAMI KLƆUKLƆU Ɔ

¹⁹ Jamɛ a ligbi ɔ nɛ ji otsi ɔ kekleekle ligbi ɔ gbɔkuɛ ɔ, Yuda ma nimeli ɔmɛ a he gbeye nya a, kaseli ɔmɛ ya bua a he nya ngɛ he ko, nɛ a nga sinya amɛ. Tlukaa a, Yesu ba da si ngɛ a kpɛti. E de mɛ ke, “Nyɛ he manye!”

Yohane 20:19 ပူးပေါင်းရင်းမြစ်များ

Yohane 20:26

Nɛ ligbi kpaanyɔ se ekohu ɔ, e kaseli ɔmɛ ngɛ tsu mi, nɛ Toma hu piɛ a he. Nɛ a nga sinya amɛ, nɛ Yesu ba, nɛ e ba da a kpɛti nɛ e ke: “Nyɛ he manye!”

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

Yohane 20:21

Jeha nɛ ɔ Yesu kpale de mɛ ekohu ke: “Nyɛ he manye! Bɔ nɛ Tsɛ ɔ tsɔ mi ɔ, ja imi hj i ngɛ nyɛ tsɔe ɔ nɛ.”

Efesobi 2:14

Ejakaa lɛ ji wa he jɔmi, nɔ nɛ ngɔ wɔ majeli kɛ Yudafo ɔmɛ kulaa ngɔ pee kake, nɛ e ku gli piɛ nɛ ngɛ kpɛti nɛ ji ninye ɔ,

2 Tesalonikabi 3:16

Lɛ he jɔmi Nyɔmtsɛ ɔ nitsɛ nɛ ha nyɛ he jɔmi daa ngɛ nɔ fɛɛ nɔ mi. Nyɔmtsɛ ɔ kɛ nyɛ kulaa nɛ hi si!

Yohane 7:13

Pohu nɔ ko ji paa tui e he munyu ngɛ Yudafo ɔmɛ a gbeye yemi he.

Marko 16:14

Pee se ɔ e je e he kpo tsɔɔ ni nyɔngma kɛ kake ɔ nitsɛ, benɛ a hii si ngɛ niye ni he ɔ, nɛ e ka a hɛ mi ngɛ hemi nɛ a he we yi kɛ a tsui wami ɔ he, ejakaa a he we nihi nɛ na lɛ ngɛ e sitemi ɔ se ɔ yi.

Kpojemi 1:4

Yohane ngma ya ha asafohi kpaago nɛ ngɛ Asia a: Dloomi kɛ he jɔmi ha nyɛ, kɛ je nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba a dɛ mi, nɛ kɛ je mumihi kpaago nɛ ngɛ e matsɛ sɛ ɔ hɛ mi ɔ ngɔ,

1 Korintobi 15:5

nɛ kaa e je e he kpo ngɔ tsɔɔ Kefa, lɔ ɔ se ɔ, ni nyɔngma kɛ enyɔ ɔ.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

Hebribi 7:2

nɛ Abraham ha lɛ ni ɔmɛ kulaa mi dlami nyɔngma mi kake ɔ nɛ. Melkizedek biɛ ɔ, e kekle sisi tsɔɔmi ji “Dami Matsɛ” nɛ jehanɛ hu e ji “Salem Matsɛ,” nɛ kɔlɔ ɔ sisi hu ji “Hejɔmi Matsɛ.”

Filipibi 1:2

Dloomi kɛ he jɔmi nɛ je wa Tsɛ Mawu kɛ Mawetsɛ Yesu Kristo dɛ mi ɔ ha nyɛ!

Efesobi 6:23

Hejɔmi, kɛ suɔmi kɛ hemi kɛ yemi nɛ je Tsɛ Mawu ɔ kɛ Mawetsɛ Yesu Kristo dɛ mi ɔ ha nyɛmimɛ ɔmɛ!

Romabi 15:33

He jɔmi Mawu ɔ kɛ nyɛ tsuo nɛ hi si! Amen.

Yohane 16:22

Lɔ ɔ he ɔ nyɛ hu, jeha nɛ ɔ nyɛ ngɛ kɔmɔ yee mohu, se ma na nyɛ ekohu, nɛ nyɛ tsui maa nɔ nyɛ mi, nɛ nyɛ bua jɔmi ɔ, na ko be kpɔe ngɛ nyɛ dɛ.

Mateo 18:20

Ejakaa he nɛ ni enyɔ loo ni etɛ bua a he nyɛ ngɛ, ngɛ ye biɛ mi ɔ, i ngɛ a kpɛti ngɛ lejɛ ɔ.”

Mateo 10:13

Nɛ ke we ɔ sa a, nyɛ ha nyɛ he jɔmi ɔ nɛ ba e nɔ; se ke e sɛ́ ɔ, lɛɛ nyɛ he jɔmi ɔ nɛ kpale ba nyɛ ngɔ ekohu.

Yohane 21:1

Ni nɛ ɔmɛ a se ɔ, Yesu kpale je e he kpo tsɔɔ kaseli ɔmɛ ngɛ Tiberia Wo ɔ nya. Nɛ bɔ nɛ e je e he kpo tsɔɔ mɛ ɔ ji nɛ ɔ nɛ.

Yohane 21:14

Enɛ ɔ ji si etɛ nɛ Yesu je e he kpo tsɔɔ ekaseli ɔmɛ, benɛ e te si kɛ je gbeje ɔ.

Ni Tsumi 1:3

E amanehlu ɔ se ligbi nyingmi eywiɛ ɔ, e gu blɔhi fuu a nɔ je e he kpo tsɔɔ e kaseli ɔmɛ kaa hɛ kalɔ, nɛ a na lɛ, nɛ e kɛ mɛ tu Mawu matsɛ yemi ɔ he munyu.

3 Yohane 1:14

Ye hɛ ngɛ nɔ kaa e piɛ bɔɔ kɛkɛ nɛ ma na mo, nɛ wa maa tu munyu hɛ mi kɛ hɛ mi.