Yohane 20:17 - Somi He Ɔ

¹⁷ Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

BAIBLO ALOO NGMAMI KLƆUKLƆU Ɔ

¹⁷ Yesu de lɛ ke, “Koo ta ye he, ejakaa i na we ma ya hiɔwe ngɛ Tsɛ ɔ ngɔ lolo. Se yaa ye nyɛmimɛ ɔmɛ a ngɔ, nɛ o ya de mɛ ke, ‘I yaa hiɔwe ngɛ Tsaatsɛ, kɛ nyɛ hu nyɛ Tsɛ; ye Mawu, kɛ nyɛ hu nyɛ Mawu ɔ ngɔ.’ ”

Yohane 20:17 ပူးပေါင်းရင်းမြစ်များ

Yohane 16:28

Tsɛ ɔ ngɔ i je kɛ ba je ɔ mi, jeha nɛ ɔ hu, i ngɛ je ɔ mi jee kɛ yaa Tsɛ ɔ ngɔ.”

1 Petro 1:3

A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Yohane 17:11

Nɛ i be je ɔ mi hu, se ni nɛ ɔmɛ ngɛ je ɔ mi, nɛ imi lɛɛ i ma o ngɔ. Tsaatsɛ klɔuklɔu, nihi nɛ o ngɔ ha mi ɔ, to mɛ ngɛ o biɛ ɔ mi, benɛ pee nɛ a pee kake kaa wɔ.

1 Yohane 3:2

Mamimɛ, jehanɛ ɔ, Mawu bimɛ ji wɔ, nɛ a na we nɛ a je bɔ nɛ wa maa hi ha a si; se wa le kaa benɛ Kristo ma pue ɔ, wa maa hi kaa lɛ, ejakaa wa maa na lɛ bɔ nɛ e ngɛ ɔ.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Marko 16:19

Kɛkɛ ɔ, benɛ Mawetsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya nɛ we ya hi si ngɛ Mawu hiɛ ɔ nɔ.

Kpojemi 21:3

Nɛ i nu gbi ngua ko je matsɛ sɛ ɔ mi de ke: “Oʼɛ Mawu bo tsu ɔ ngɛ nimli a kpɛti, nɛ e maa hi a kpɛti, nɛ a maa pee e ma, nɛ Mawu nitsɛ kɛ mɛ maa hi si, nɛ e maa pee a Mawu.

2 Korintobi 6:18

Nɛ ma pee nyɛ tsɛ, Nɛ nyɛ hu nyɛ maa pee ye bimɛ nyumuhi kɛ ye bimɛ yihi, Bɔ nɛ Nyɔmtsɛ, ope ɔ, de ha ji nɛ ɔ nɛ.”

Romabi 8:29

Ejakaa nihi nɛ e le mɛ momo ɔ, mɛ e je ngɔ to konɛ a subai nɛ hi kaa e bi ɔ nɔ ɔ, konɛ Bi ɔ e pee nyɛmimɛ fuu a kpɛti bi nɔkɔtɔma.

Yohane 17:25

Tsaatsɛ dalɔ, je ɔ li mo, se imi lɛɛ i le mo, nɛ ni nɛ ɔmɛ le kaa mo lɛ o tsɔ mi;

Mateo 28:7

Nɛ nyɛɛ ya esɔ esɔ nɛ nyɛ ya de e kaseli ɔmɛ ke e te si kɛ je gbeje; nɛ oʼɛ, e ngɛ nyɛ hlami sɛe kɛ yaa Galilea; lejɛ ɔ nyɛ maa na lɛ ngɛ; oʼɛ; i de nyɛ.”

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

Hebribi 8:10

Ejakaa enɛ ɔ ji somi nɛ i kɛ Israel we ɔ maa so Ngɛ jamɛ a ligbi ɔmɛ a se ɔ nɛ, Nyɔmtsɛ ɔ de ke: I kɛ ye mlaahi maa wo a juɛmi mi, Nɛ ma ngma ngɔ wo a tsui mi, Nɛ ma pee a Mawu Nɛ mɛ hu a maa pee ye ma.

Yohane 20:27

Lɔ ɔ se ɔ, e de Toma ke: “O kɛ o nine nguɛ nɛ ba hiɛ ɔ nɛ o ba hyɛ ye dɛ mi ɔ, nɛ o kɛ o nine ba hɔ ye kasa mi ɔ, nɛ o ko je nɔ́, se mohu o he ye.”

Yohane 17:5

Nɛ jeha nɛ ɔ, Tsaatsɛ, ngɔɔ hɛ mi nyami nɛ i ngɛ ngɛ o ngɔ loko a bɔ je ɔ ngɔ wo ye hɛ mi nyami.

Yohane 14:28

Nyɛ nu kaa i de nyɛ ke: ‘I yaa, nɛ ma ba nyɛ ngɔ.’ Nyɛ suɔ mi jinɛ nyɛ ma na bua jɔmi kaa i yaa Tsɛ ɔ ngɔ, ejakaa Tsaatsɛ kle pe mi.

Yohane 14:2

Sihi hehi fuu ngɛ Tsaatsɛ we ɔ; ke pi ja jinɛ, i de nyɛ momo; ejakaa i yaa nɛ ma ya dla blɔ he ngɔ to nyɛ.

Yohane 13:3

Nɛ Yesu le kaa Tsɛ ɔ tu nihi tsuo kulaa ngɔ wo e dɛ, nɛ kaa Mawu ngɔ e je nɛ e kpale yaa Mawu ngɔ ɔ,

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

Luka 10:4

Nyɛ ko hɛɛ sika kpɛɛ loo kotoku loo tokotahi, nɛ nyɛ ko nga nɔ ko ngɛ blɔ ɔ nɔ.

Mateo 25:40

Nɛ matsɛ ɔ ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee ngɔ ha ye nyɛmimɛ nɛ ɔmɛ a ti nyafii kake ɔ, imi nɔuu nyɛ pee ngɔ ha a nɛ.’

Hebribi 11:16

Se jehanɛ, a ngɛ ma ko nɛ hi pe lɔ ɔ nɛ ji hiɔwe nɔ ɔ hlae. Lɔ ɔ he ɔ, e pee we Mawu zo kaa a ma tsɛ lɛ a Mawu, ejakaa e dla ma ngɔ to mɛ.

Marko 12:26

Se kaa ni gbogboehi maa te si ekohu ɔ, anɛ nyɛ kane we ngɛ Mose womi ɔ mi, bɔ nɛ Mawu de lɛ ngɛ mio tso ɔ he sane ɔ mi ke: ‘Imi lɛɛ, Abraham Mawu kɛ Isak Mawu kɛ Yakob Mawu ji mi’ ɔ?