Yohane 20:16 - Somi He Ɔ

¹⁶ Yesu de lɛ ke: “Maria!” Nɛ Maria plɛ e he, nɛ e de lɛ ngɛ Hebri mi ke: “Rabuni” (e sisi ji: Tsɔɔlɔ.)

BAIBLO ALOO NGMAMI KLƆUKLƆU Ɔ

¹⁶ Yesu tsɛ lɛ, “Maria!” Kɛkɛ nɛ Maria plɛ e he, nɛ e de lɛ ngɛ Hebri mi ke, “Rabuni” (E sisi ji “Tsɔɔlɔ”).

Yohane 20:16 ပူးပေါင်းရင်းမြစ်များ

Yohane 10:3

Lɛ, sinya nya hyɛlɔ ɔ bliɔ haa, nɛ to ɔmɛ nuɔ e gbi, nɛ e kɛ lɛ nitsɛ e to ɔmɛ a biɛ tsɛɛ mɛ, nɛ e kɛ mɛ jee kpo.

Yohane 1:38

Yesu plɛ e he nɛ benɛ e na kaa a nyɛɛ e se ɔ, e bi mɛ ke: “Mɛni nyɛ ngɛ hlae?” Nɛ a de lɛ ke: “Rabi” (e sisi ji Tsɔɔlɔ) “jije o hii?”

Ni Tsumi 10:3

Ligbi ko gbɔkuɛ maa pee ngmlɛ etɛ mi ɔ, e na ngɛ ninami mi paa kaa Mawu bɔfo ko ba e ngɔ ba de lɛ ke: “Kornelio!”

Ni Tsumi 9:4

nɛ e tsɔ fia si, nɛ e nu gbi ko nɛ ngɛ lɛ dee ke: “Saulo, Saulo, mɛ he je o ngɛ mi yi mi wae?”

Yohane 6:25

Nɛ benɛ a ba na lɛ ngɛ wo ɔ se ɔ, a bi lɛ ke: “Rabi, mɛni be o ba hiɛ ɔ?”

Yohane 20:28

Toma he nɔ nɛ e de lɛ ke: “Ye Nyɔmtsɛ kɛ ye Mawu.”

Yohane 13:13

Nyɛɛ lɛɛ nyɛ tsɛɛ mi tsɔɔlɔ kɛ Nyɔmtsɛ, na nyɛ tɔ we, ejakaa ja ji mi.

Yohane 11:28

Nɛ benɛ Marta de lɛ kikɛ ɔ, e pue nɔ kɛ ho, nɛ e ya tsɛ e nyɛmi Maria a zaa, nɛ e de lɛ ke: “Nyɔmtsɛ ɔ ba, nɛ e ngɛ mo tsɛe.”

Yohane 5:2

Jeha nɛ ɔ taku ko ngɛ Yerusalem ngɛ tohi agbo ɔ kasa nya, nɛ Hebri gbi mi ɔ a tsɛɛ lɛ Betesda, nɛ kue enuɔ ngɛ he.

Yohane 3:2

Lɛ lɛ e ba Yesu ngɔ nyɔ mi, nɛ e ba de lɛ ke: “Rabi, wa le kaa tsɔɔlɔ nɛ je Mawu ngɔ ba ji mo, ejakaa nɔ ko nɔ ko be nyɛe maa pee nyakpɛ nihi nɛ o ngɛ pee nɛ ɔmɛ, kaa ja Mawu kɛ nɔ ɔ ngɛ.”

Yohane 1:49

Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Luka 10:41

Se Yesu ha heto nɛ e de lɛ ke: “Marta, Marta, o ngɛ o he nya gbae nɛ o ngɛ o he haoe ngɛ nihi fuu he;

Mateo 14:27

Se amlɔ ɔ, Yesu wo e nya nɔ nɛ e de mɛ ke: “Nyɛ na tsui, ami ʼi; nyɛ ko ye gbeye!”

Marko 10:51

Yesu bi lɛ ke: “Mɛni o ngɛ hlae kaa ma pee ha mo?” Nɛ hɛyuyuilɔ ɔ de lɛ ke: “Rabuni, (Nyɔmtsɛ) i ngɛ hlae nɛ ma hyɛ nɔ ekohu.”