Yohane 2:21 - Somi He Ɔ

²¹ Se lɛɛ e nɔmlɔ tso sɔlemi tsu ɔ he munyu e ngɛ tue ɔ nɛ.

BAIBLO ALOO NGMAMI KLƆUKLƆU Ɔ

²¹ Se sɔlemi we nɛ Yesu ngɛ he munyu tue ɔ ji lɛ nitsɛ e nɔmlɔ tso. Lɔ ɔ he ɔ, benɛ a tle Yesu si kɛ je gbeje ɔ, e kaseli ɔmɛ kai kaa e wo nɔ́ nɛ ɔ nɔ ta de mɛ hyɛ,

Yohane 2:21 ပူးပေါင်းရင်းမြစ်များ

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

Hebribi 8:2

kaa he klɔuklɔu ɔ kɛ anɔkuale bo tsu nɛ Nyɔmtsɛ ɔ nitsɛ lɛ ma nɛ pi nɔmlɔ ko nɛ ma a mi sɔmɔlɔ.

Kolosebi 2:9

Ejakaa e mi Mawu fuu hyimi ɔ kulaa hii ngɛ nɔmlɔ tso su mi;

Kolosebi 1:19

Ejakaa e sa Mawu hɛ mi kaa fuu hyimi kulaa nɛ hi e mi;

2 Korintobi 6:16

Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 2:22

Lɔ ɔ he ɔ benɛ e te si kɛ je gbeje ɔ, e kaseli ɔmɛ kai kaa e de enɛ ɔ, nɛ a he ngmami ɔ kɛ munyu nɛ Yesu tu ɔ ye.