Yohane 2:18 - Somi He Ɔ

¹⁸ Kɛkɛ nɛ Yudafo ɔmɛ he nɔ nɛ a de lɛ ke: “Mɛni okadi o kɛ ngɛ wɔ tsɔɔe kaa o ngɛ he blɔ nɛ o peɔ enɛ ɔmɛ?”

BAIBLO ALOO NGMAMI KLƆUKLƆU Ɔ

¹⁸ Jehanɛ ɔ, Yuda bi ɔmɛ bi Yesu ke, “Mɛni okadi o maa to wɔ kɛ ma nɔ́ nɛ o pee nɛ ɔ nɔ mi?”

Yohane 2:18 ပူးပေါင်းရင်းမြစ်များ

Mateo 21:23

Nɛ benɛ Yesu ba sɔlemi we ɔ nɛ e ngɛ mɛ ni tsɔɔe ɔ, osɔfo nikɔtɔma amɛ kɛ ma nikɔtɔma amɛ ba e ngɔ nɛ a ba bi lɛ ke: “Mɛni he blɔ o ngɛ he je nɛ o peɔ kikɛmɛ a ni nɛ ɔmɛ, nɛ mɛnɔ ha mo kikɛmɛ a he blɔ nɛ ɔ?”

Marko 8:11

Kɛkɛ nɛ Farisifo ɔmɛ ba nɛ a kɛ lɛ ba bɔni nya sami. A ngɛ hlae nɛ a ka lɛ, lɔɔ he ɔ a bi lɛ hiɔwe okadi ko.

Luka 11:29

Benɛ asafo ɔmɛ ba bua a he nya fuu ɔ, Yesu bɔni demi ke: “Yi nɔ bi nɛ ɔmɛ ɔ, yi nɔ bi yayamihi ʼi. A ngɛ okadi hlae, se a be mɛ eko hae kaa ja gbalɔ Yona okadi ɔ.

Yohane 1:19

Enɛ ɔ ji Yohane odase nɛ e ye, bene Yudafo ɔmɛ tsɔ osɔfohi kɛ Levibihi kɛ je Yerusalem nɛ a ba bi lɛ ke: “Mɛnɔ ji mo?” ɔ.

Yohane 1:25

nɛ a ba bi lɛ ke: “Ke pi mo ji Kristo ɔ, loo Elia loo gbalɔ ɔ, lɛɛ mɛni he je o ngɛ baptisie mɔ?”

Yohane 6:30

Lɔ ɔ he ɔ a bi lɛ ke: “Lɛɛ mɛni okadi o peɔ nɛ waa na konɛ wa he mo ngɔ ye? Mɛni o tsuɔ?

Ni Tsumi 4:7

Nɛ a ya ngɔ bɔfo ɔmɛ kɛ ba da kpɛti, nɛ a bi mɛ ke: “Mɛnɔ he wami nya, aloo mɛnɔ biɛ mi nyɛ pee enɛ ɔ ngɛ?”

Ni Tsumi 5:28

“Pi kita nɛ wa wo nyɛ kadikadi ke nyɛ ko tsɔɔ ni ngɛ kikɛmɛ a biɛ nɛ ɔ mi ɔ? Oʼɛ, nyɛ ha Yerusalem hyi tɔ kɛ nyɛ tsɔɔmi ɔ, nɛ nyɛ ngɛ hlae kaa nyɛɛ kɛ kikɛmɛ a nyumu nɛ ɔ muɔ baa wa nɔ.”