Yohane 19:4 - Somi He Ɔ

⁴ Kɛkɛ nɛ Pilato je kpo ekohu nɛ e de mɛ ke: “Oʼɛ, i kɛ lɛ ngɛ kpo jee kɛ ma nyɛ ngɔ, konɛ nyɛ na le kaa i nɛ fɔbumi sane ko ngɛ e he.”

BAIBLO ALOO NGMAMI KLƆUKLƆU Ɔ

⁴ Pilato kpale je kpo ekohu, nɛ e de ma kpekpemi ɔ ke, “I kɛ lɛ ngɛ kpo jee kɛ ma nyɛ ngɔ hiɛmɛ nɛ ɔ, konɛ nyɛ na nyɛɛ le kaa imi lɛɛ i nɛ sane yobu ko ngɛ e he nɛ ma da nɔ kɛ bu lɛ fɔ.”

Yohane 19:4 ပူးပေါင်းရင်းမြစ်များ

Mateo 27:19

Se benɛ Pilato hii si ngɛ kojomi sɛ ɔ nɔ ɔ, e yo tsɔ kɛ ha e ngɔ ba de lɛ ke: “O kɛ dalɔ nɛ ɔ ko ye sane ko; ejakaa e he je ɔ, ye he hia mi babauu ngɛ nlami mi mwɔnɛ.”

Mateo 27:24

Se benɛ Pilato na kaa e nyɛ we he nɔ́ ko nɛ e pee, se mohu basabasa ngɛ hlae nɛ maa te si ɔ, e ngɔ nyu nɛ se fɔ e dɛ ngɛ asafo ɔ hɛ mi, nɛ e ke: “Imi lɛɛ i yi dalɔ nɛ ɔ muɔ he musu; nyɛ, nyɛ sane ʼi!”

Mateo 27:4

nɛ e ke: “I pee yayami kaa i tsɔɔ muɔ nɛ yayami ko be e he ɔ se blɔ.” Se mɛ lɛɛ a ke: “Lɔ ɔ pi wa he sane ko; mo nitsɛ hyɛ nɔ!”

Mateo 27:54

Se benɛ aslaafohi lafa a nyatsɛ ɔ kɛ nihi nɛ kɛ lɛ ngɛ Yesu he bue ɔ, na zugba mimiɛmi ɔ kɛ nihi nɛ a pee ɔ, a ye gbeye wawɛɛ, nɛ a ke: “Niinɛ, Mawu bi ji nɛ ɔ nɛ!”

Luka 23:4

Nɛ Pilato de osɔfo nikɔtɔma amɛ kɛ asafo ɔmɛ ke: “I nɛ fɔ bumi sane ko ngɛ nyumu nɛ ɔ he.”

Luka 23:41

Wɔɔ lɛɛ wa nɔ ɔ sa wɔ, ejakaa wa ni peemi nihi a he hiɔwo wa na a nɛ; se nɔ nɛ ɔ lɛɛ e pee we nɔ ko nɛ sɛ́.”

Luka 23:47

Se benɛ aslaafohi lafa a nya tsɛ ɔ na nɔ nɛ a pee ɔ, e wo Mawu hɛ mi nyami nɛ e ke: “E ngɛ mi niinɛ kaa kikɛmɛ a nyumu nɛ ɔ ɔ dalɔ ʼi!”

Yohane 18:33

Kɛkɛ nɛ Pilato kpale sɛ kojomi he ɔ ekohu, nɛ e tsɛ Yesu nɛ e bi lɛ ke: “Anɛ mo ji Yudafo ɔmɛ a matsɛ ɔ lo?”

Yohane 18:38

Pilato bi lɛ ke: “Mɛni ji anɔkuale?” Nɛ benɛ e de enɛ ɔ ɔ, e je kpo kɛ ho Yudafo ɔmɛ a ngɔ ya ekohu, nɛ e ya de mɛ ke: “Imi lɛɛ i nɛ fɔ bumi sane ko kulaa ngɛ e he.

Yohane 19:6

Jeha nɛ ɔ benɛ osɔfo nikɔtɔma amɛ kɛ sɔmɔli ɔmɛ na lɛ ɔ, a kpa ngmlaa ke: “Sɛu lɛ, sɛu lɛ!” Pilato de mɛ ke: “Nyɛ nitsɛmɛ nyɛɛ ngɔ lɛ nɛ nyɛ ya sɛu mɔ, ejakaa imi lɛɛ i nɛ fɔ bumi sane ko ngɛ e he.”

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

1 Petro 2:22

lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Yohane 3:5

Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.