Yohane 19:39 - Somi He Ɔ

³⁹ Nɛ Nikodemo, nɔ nɛ kekle ko nɛ e ba Yesu ngɔ nyɔ mi ɔ, hu kɛ mire kɛ aloe nɛ a futu maa pee sɛni tɛ jiɔmi lafa ba.

BAIBLO ALOO NGMAMI KLƆUKLƆU Ɔ

³⁹ Nikodemo, nɔ nɛ be ko e ya Yesu ngɔ nyɔ mi ɔ, lɛ hu e ngɔ tsopa kɛ e he via, nɛ ji mire kɛ aloe nɛ a futu, nɛ jiimi maa pee kilo nyingmi etɛ kɛ ba, nɛ e piɛ Yosef he kɛ ho.

Yohane 19:39 ပူးပေါင်းရင်းမြစ်များ

Yohane 12:7

Lɔ ɔ he ɔ, Yesu ke: “Koo doo e nya; e pee enɛ ɔ ngɔ to ye pumi ligbi ɔ.

Marko 16:1

Nɛ benɛ Hejɔɔmi Ligbi ɔ be ɔ, Maria Magdalena kɛ Yakobo nyɛ Maria kɛ Salome ya he tsopa kɛ e he via konɛ a ba nɛ a kɛ ba kpa Yesu gbogboe ɔ.

Mateo 19:30

Se kekletsɛmɛ fuu ma plɛ se kpɛli, nɛ se kpɛli ma plɛ kekletsɛmɛ.”

Mateo 12:20

Gla nɛ a kɔ ɔ, e be kue, Nɛ kane mi tako nɛ ngɛ tsoe suhi ɔ e be gbee, Kɛ maa su be nɛ e ma ha kojomi maa su kunimi yemi mi.

Mateo 2:11

Nɛ a ya we ɔ mi, nɛ a ya na bimwɔyo ɔ kɛ e nyɛ Maria a, nɛ a kpla si nɛ a ja lɛ, nɛ a pɛne a kotoku ɔmɛ a nya; nɛ a ke lɛ nihi: sika tsu kɛ mimɛ kɛ mire.

Yohane 12:3

Kɛkɛ nɛ Maria ngɔ nardo nu ngmingmiingmi nɛ he jua wa saminya nɛ ngmɛɛ sɛni tɛ kake, nɛ e kɛ ba kpa Yesu nanehi a he, nɛ e kɛ e yi bwɔmi tsu e nane ɔmɛ a he; nɛ nu ɔ he via kpe we ɔ mi tsuo.