Yohane 19:11 - Somi He Ɔ

¹¹ Yesu de lɛ ke: “Ke pi hiɔwe nɛ a je ngɔ ha mo ɔ, jinɛ o be he wami ko nae ngɛ ye nɔ; lɔ ɔ he ɔ nɔ nɛ je mi wo o dɛ mi ɔ he yayami ɔ kle pe o nɔ ɔ.”

BAIBLO ALOO NGMAMI KLƆUKLƆU Ɔ

¹¹ Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yohane 19:11 ပူးပေါင်းရင်းမြစ်များ

Romabi 13:1

Nɔ tsuaa nɔ nɛ ba e he si ngɔ ha nɔ yeli nɛ yeɔ nɔ ɔ. Ejakaa he blɔ ko be nɛ e ji Mawu ngɔ; se he blɔhi nɛ ngɛ ɔ Mawu nɛ to.

Yohane 3:27

Yohane he nɔ nɛ e ke: “Nɔmlɔ be nyɛe ma na nɔ́ ko, ja a je hiɔwe ngɔ ha lɛ.

Ni Tsumi 2:23

Yesu nɛ ɔ nɛ a je lɛ ngɛ Mawu yi mi tomi kɛ e ni nɛ e le ngɔ to ɔ nya ngɔ ha a, nyɛ gu nihi nɛ li mlaa amɛ a nine nɔ nyɛ sɛu lɛ nɛ nyɛ gbe lɛ.

Ni Tsumi 3:13

Abraham kɛ Isak kɛ Yakob Mawu ɔ nɛ ji wa tsɛmɛ a Mawu ɔ wo e tsɔlɔ Yesu hɛ mi nyami; nɔ nɛ nyɛ je lɛ ngɔ ha nɛ nyɛ kua lɛ ngɛ Pontio Pilato hɛ mi, benɛ lɛɛ e pee e juɛmi kaa e maa ngmɛɛ e he ɔ.

Yohane 7:30

Enɛ ɔ he ɔ, a ngɛ lɛ hlae nɛ a nu, se nɔ ko tɛ́ e he, ejakaa e ngmlɛfia a sui lolo.

Yakobo 1:17

Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

Mateo 6:13

Nɛ o kɛ wɔ ko ya kami mi se je wɔ kɛ je nɔ yayami ɔ dɛ mi.’

Yakobo 4:17

Lɔ ɔ he ɔ, nɔ nɛ le kpakpa peemi nɛ e pee we ɔ, e ji yayami ha lɛ.

Romabi 11:36

Ejakaa e dɛ mi nihi tsuo je, nɛ e nɔ a gu kɛ ba, nɛ lɛ nɔuu a ngɛ kɛ ha. A ngɔ hɛ mi nyami ngɔ ha lɛ kɛ ya neneene! Amen.

Ni Tsumi 4:28

konɛ a pee nihi tsuo nɛ o nine kɛ o yi mi tomi ɔ to ngɔ fɔ si ke a pee ɔ.

Mateo 27:2

Nɛ a fi e nine nɛ a kpaka lɛ kɛ ho ya ha amlaalo Pontio Pilato.

Marko 14:44

Se se blɔ tsɔɔlɔ ɔ to mɛ okadi ko ke: “Nɔ nɛ nya he nɛ ma fiɔ ɔ, lɛ ji nɔ ɔ nɛ; nyɛɛ nu lɛ nɛ nyɛ kpaka lɛ kɛ ho sɔkee.”

Yohane 18:3

Jeha nɛ ɔ Yuda ya ngɔ aslaafohi kɛ tsɔli kɛ je osɔfo nikɔtɔma amɛ kɛ Farisifo ɔmɛ a ngɔ, nɛ a hɛɛ kanehi kɛ hahi kɛ dadehi kɛ ba lejɛ ɔ.

Yohane 9:41

Yesu de mɛ Ke: “Kaa nyɛ hɛ yu mohu ɔ, jinɛ yayami be nyɛ he; se jeha nɛ ɔ nyɛ deɔ ke: ‘Wa ngɛ nɔ hyɛe;’ lɔ ɔ he ɔ nyɛ he yayami ɔ ngɛ nyɛ he kɛ mwɔɔ.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Mateo 26:65

Kɛkɛ nɛ osɔfo nɔkɔtɔma a gba e tadehi nɛ e ke: “E bɔ musu! Mɛni wa pa ngɛ odase yeli hlae ya pee ekohu oʼɛ, jeha nɛ ɔ nyɛ nu e musu bɔmi ɔ!

Yohane 18:13

nɛ a kpaka lɛ kɛ ho Hana ngɔ ya kekle, ejakaa Kaiafa nɛ ngɛ osɔfo nɔkɔtɔma yee ngɛ lɛ jeha a nɔ ɔ ngatsɛ ji lɛ.

Yohane 19:10

Nɛ Pilato de lɛ ke: “O be ye nya mi poe? Anɛ o li kaa i ngɛ he blɔ kaa i sɛuu mo, nɛ i ngɛ he blɔ hulɔ kaa i ngmɛɔ o he lo?”