Yohane 18:20 - Somi He Ɔ

²⁰ Yesu he nɔ nɛ e de lɛ ke: “Pãa i tuɔ munyu kɛ tsɔɔ je ɔ. Daa nɛ ɔ i tsɔɔ ni ngɛ kpe he ɔmɛ kɛ sɔlemi we ɔ, he nɛ Yudafo ɔmɛ tsuo kpee ngɛ ɔ, nɛ i de we nɔ́ ko nɔ́ ko ngɛ laami mi.

BAIBLO ALOO NGMAMI KLƆUKLƆU Ɔ

²⁰ Yesu he nɔ ke, “I tuɔ munyu paa kɛ haa nɔ tsuaa nɔ. Daa nɛ ɔ, i tsɔɔ ní ngɛ kpe he ɔmɛ, kɛ sɔlemi we ɔ he nɛ Yuda bi kulaa kpee ngɛ ɔ, nɛ i de we nɔ́ ko nɔ́ ko ngɛ laami mi gblee.

Yohane 18:20 ပူးပေါင်းရင်းမြစ်များ

Yohane 7:26

Nɛ oʼɛ, munyu e ngɛ tue pãa nɛ ɔ nɛ, nɛ a de we lɛ nɔ ko. Eko ɔ be nɛ ɔ mi ɔ, nikɔtɔma amɛ ba na le kaa Kristo ɔ ji nɔ nɛ ɔ niinɛ.

Mateo 4:23

Nɛ Yesu kpa Galilea tsuo, e tsɔɔ ni ngɛ a kpe he ɔmɛ, nɛ e fiɛ matsɛ yemi ɔ he Sane Kpakpa a tsɔɔ, nɛ e tsa hiɔ tsuaa hiɔ kɛ he hiami tsuaa he hiami ngɛ ma a mi.

Luka 21:37

Piani ɔ Yesu tsɔɔ ni ngɛ sɔlemi we ɔ, nɛ ke je jɔ ɔ, e yaa yoku nɛ a tsɛɛ lɛ Nuyoku ɔ nɔ nɛ e ya hwɔɔ.

Yohane 7:4

Ejakaa nɔ nɛ hlaa kaa a le lɛ ɔ pee we nɔ́ ko ngɛ laami mi. Ke ni nɛ ɔmɛ o peɔ ɔ, je o he si ngɔ tsɔɔ je ɔ.”

Luka 4:15

E tsɔɔ ni ngɛ a kpe he ɔmɛ, nɛ ni ɔmɛ tsuo je e yi.

Mateo 26:55

Jamɛ a ngmlɛfia a nɔ nɔuu ɔ, Yesu de asafo ɔ ke: “Imi numi nyɛ ba kaa a nuu ojo fialɔ ko ke klaate kɛ tsokpotihi nɛ ɔ? I hii sɔlemi we ɔ daa nɛ i tsɔɔ ni, nɛ nyɛ nui mi.

Mateo 9:35

Nɛ Yesu kpa ma amɛ kɛ kɔpe ɔmɛ tsuo a nɔ nɛ e tsɔɔ ni ngɛ a kpe he ɔmɛ nɛ e fiɛɔ matsɛ yemi ɔ he sane kpakpa a, nɛ e tsaa hiɔ tsuaa hiɔ kɛ dengme tsuaa dengme.

Yohane 8:26

I ngɛ nyɛ he sanehi fuu nɛ ma de nɛ ma kɛ kojo nyɛ; se kɛ̃ ɔ, nɔ nɛ tsɔ mi ɔ anɔkualetsɛ ʼi, nɛ imi lɛɛ nihi nɛ i nu kɛ je e nya a, lɔ ɔmɛ nɔuu i deɔ ngɔ tsɔɔ je ɔ nɛ.”

Yohane 8:2

Nɛ mɔtu mla a, e ba sɔlemi we ɔ ekohu, nɛ ma a tsuo ba e ngɔ, nɛ e ya hi si, nɛ e tsɔɔ mɛ ni.

Yohane 7:28

Jeha nɛ ɔ benɛ Yesu ngɛ ni tsɔɔe ngɛ sɔlemi we ɔ, e wo e nya nɔ nɛ e de ke: “Nyɛ le mi, nɛ nyɛ le he nɛ i je hulɔ; i tui imi nitsɛ ye yi mi kɛ bɛ́, se mohu anɔkualetsɛ ji nɔ nɛ tsɔ mi nɛ nyɛ li ɔ nɛ.

Yohane 7:14

Benɛ e su nyami ligbi ɔmɛ a kpɛti ɔ, Yesu ya sɔlemi we ɔ, nɛ e ya tsɔɔ ni.

Mateo 26:65

Kɛkɛ nɛ osɔfo nɔkɔtɔma a gba e tadehi nɛ e ke: “E bɔ musu! Mɛni wa pa ngɛ odase yeli hlae ya pee ekohu oʼɛ, jeha nɛ ɔ nyɛ nu e musu bɔmi ɔ!

Ni Tsumi 26:26

Matsɛ ɔ nɛ i ngɛ munyu tue kɛ kã kɛ ngɛ lɛ tsɔɔe nɛ ɔ le sane nɛ ɔmɛ a mi. I kpa we si kaa ni nɛ ɔmɛ eko ngɛ nɛ a kɛ laa lɛ; ejakaa tsa pi laami mi nɛ a pee enɛ ɔ ngɛ.

Mateo 24:26

“Lɔ ɔ he ɔ, ke a de nyɛ ke: ‘Oʼɛ, e ngɛ nga a nɔ’ ɔ, nyɛ ko ya; aloo ‘Oʼɛ e ngɛ se tsu ɔmɛ a mi’ ɔ, nyɛ ko he ye.

Marko 8:32

E tu munyu nɛ ɔ faii. Enɔ ha Petro kɛ lɛ ya se nɛ e bɔni lɛ kɔkɔ bɔmi.

Yohane 6:59

Yesu de ni nɛ ɔmɛ benɛ e ngɛ ni tsɔɔe ngɛ kpe he ko ngɛ Kapernaum ɔ.

Yohane 18:21

Mɛni he je o ngɛ imi mohu bie? Bi ninɛmɛ nɛ ba buɔ mi tue ɔ nɔ́n ɛ i deɔ mɛ; oʼɛ, ni nɛ ɔmɛ le nihi nɛ i deɔ ɔ.”