Yohane 17:6 - Somi He Ɔ

⁶ “I je o biɛ ɔ si ngɔ tsɔɔ nimli nɛ o ngɔ kɛ je je ɔ mi ha mi ɔ. O nihi ji mɛ, nɛ o ngɔ mɛ ngɔ ha mi, nɛ a ye o munyu ɔ nɔ.

BAIBLO ALOO NGMAMI KLƆUKLƆU Ɔ

⁶ “Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Yohane 17:6 ပူးပေါင်းရင်းမြစ်များ

Yohane 1:18

Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

Yohane 12:28

Tsaatsɛ, wo o biɛ ɔ hɛ mi nyami!” Kɛkɛ nɛ gbi ko je hiɔwe de ke: “I na wo e hɛ mi nyami momo, nɛ ma kpale wo e hɛ mi nyami ekohu.”

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Yohane 15:3

Jeha nɛ ɔ nyɛ he je momo ngɛ munyu nɛ i kɛ nyɛ tu ɔ he.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Yohane 17:12

Benɛ i kɛ mɛ ngɛ je ɔ mi ɔ, i to mɛ ngɛ o biɛ ɔ mi; nihi nɛ o ngɔ ha mi ɔ, i bu a he, nɛ a ti nɔ ko nɔ ko laa we, ja laami bi ɔ, konɛ nɔ́ nɛ a ngma a nɛ ba mi.

Yohane 17:14

I ngɔ o munyu ɔ ngɔ ha mɛ, nɛ je ɔ ngɛ mɛ nyɛe, ejakaa a ji je ɔ mi, kaa bɔ nɛ imi hu i ji je ɔ mi ɔ?

Yohane 17:16

A ji je ɔ mi kaa bɔ nɛ imi hu i ji je ɔ mi ɔ.

Yohane 17:2

Ejakaa o ha lɛ he blɔ ngɛ he lo tsuo nɔ, konɛ nihi tsuo nɛ o ngɔ ha lɛ ɔ, e ha mɛ neene wami.

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

Yohane 17:26

nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

Yohane 17:7

Jeha nɛ ɔ a le kaa nihi kulaa nɛ o ngɔ ha mi ɔ, o ngɔ a je,

Yohane 18:9

(Konɛ munyu nɛ a tu ke: “Nihi nɛ o ngɔ ha mi ɔ, i ha we nɛ a ti nɔ ko nɛ laa” a nɛ ba mi.)

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 6:39

Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ.

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Yohane 8:52

Kɛkɛ nɛ Yudafo ɔmɛ de lɛ ke: “Kpaako wa na le kãa mumi yayami ngɛ o mi. Abraham gbo, nɛ gbali ɔmɛ hu gbo, nɛ moo lɛɛ o deɔ ke: ‘Ke nɔ ko ye ye munyu ɔ nɔ ɔ, e be gboe ligbi ko ligbi ko kɛ maa ya neneene.’

Ni Tsumi 13:48

Benɛ majeli ɔmɛ nu e nɛ ɔ ɔ, a na bua jɔmi, nɛ a wo Nyɔmtsɛ ɔ hɛ mi nyami, nɛ nihi abɔ nɛ a je ngɔ to neneene wami ɔ he ye.

Romabi 11:2

Mawu kua we e ma nɛ e le to momo ɔ. Aloo nyɛ li nɔ́ nɛ ngmami ɔ de ngɛ Elia yi nɔ ɔ, benɛ e da Mawu hɛ mi nɛ e po Israel nya ke:

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

2 Timoteo 1:13

Pɛtɛ tsami munyu nɛ o nu kɛ je ye nya a nɔ hyɛmi nɔ́ ɔ he ngɛ hemi kɛ yemi kɛ suɔmi nɛ ngɛ Kristo Yesu mi ɔ mi.

Hebribi 2:12

Nɛ eke: “Ma wo o biɛ ɔ tã ngɔ tsɔɔ ye nyɛmimɛ ɔmɛ; Asafo kpɛti hu ma la kɛ je o yi ngɛ.”

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

1 Petro 1:1

Petro nɛ ji Yesu Kristo bɔfo ɔ, ngma ya ha nibwɔhi nɛ gbɛ fia Ponto, Kapodokia, Asia kɛ Bitinia a.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Kpojemi 2:13

I le he nɛ o hii ɔ, he nɛ Satan matsɛ sɛ ɔ ngɛ ɔ. O hɛɛ ye biɛ ɔ mi, nɛ o kua we o hemi kɛ yemi ɔ ngɛ jamɛ a ligbi ɔmɛ a mi po, bene a gbe Antipa, ye o daseyelɔ anɔkualetsɛ ɔ ngɛ nyɛ kpɛti, he nɛ Satan hii ɔ.

Kpojemi 3:10

Ejakaa o ye ye munyu nɛ deɔ ke o to o tsui si ɔ nɔ he je ɔ, ma baa o yi ngɛ ka ngmlɛfia nɛ maa ba je mluku ɔ kulaa nɔ nɛ a kɛ maa ka nihi nɛ ngɛ zugba a nɔ ɔ mi.

Kpojemi 3:8

I le o ni tsumi ɔmɛ; nɛ oʼɛ, i bi sinya ngɔ fɔ si ngɛ o hɛ kpɛ, nɛ nɔ ko be nyɛe ma nga, ejakaa he wami bɔɔ ngɛ, se o ye ye munyu ɔ nɔ, nɛ o kua we ye biɛ ɔ.