Yohane 17:4 - Somi He Ɔ

⁴ Imi lɛɛ i wo o hɛ mi nyami ngɛ zugba a nɔ, akɛnɛ ni tsumi ɔ nɛ o ha mi tsumi ɔ i gbe nya a.

BAIBLO ALOO NGMAMI KLƆUKLƆU Ɔ

⁴ I wo o hɛ mi nyami ngɛ je ɔ mi; ní tsumi nɛ o tu kɛ wo ye dɛ mi ɔ, i gbe nya.

Yohane 17:4 ပူးပေါင်းရင်းမြစ်များ

Luka 22:37

Ejakaa i ngɛ nyɛ dee ke nɔ́ nɛ a ngma nɛ ɔ hu ja e ba mi ngɛ ye he ke: ‘Nɛ a bu lɛ ngɔ si mlaa tɔli ɔmɛ a nɔ;’ ejakaa ye he sane ɔmɛ ma mi.”

Yohane 12:28

Tsaatsɛ, wo o biɛ ɔ hɛ mi nyami!” Kɛkɛ nɛ gbi ko je hiɔwe de ke: “I na wo e hɛ mi nyami momo, nɛ ma kpale wo e hɛ mi nyami ekohu.”

Yohane 14:13

Nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, lɔ ɔ ma pee, konɛ Tsɛ ɔ hɛ mi nɛ ba nyami ngɛ Bi ɔ mi.

Yohane 14:31

I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 19:28

Nɛ enɛ ɔ se ɔ, akɛnɛ Yesu le kaa a gbe nihi kulaa nya momo ɔ, benɛ pee nɛ ngmami ɔ nɛ na ba mi ɔ, e ke: “Kuma ngɛ mi yee.”

Yohane 19:30

Jeha nɛ ɔ benɛ Yesu he da nɛ kuã a, e ke: “A gbe nya!” Kɛkɛ nɛ e ma e yi si, nɛ e ngɔ e nya.

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Yohane 5:36

Se imi lɛɛ, i ngɛ odase nɛ pe Yohane nɔ ɔ, ejakaa ni tsumi ɔmɛ nɛ Tsɛ ɔ ngɔ ha mi kaa ma gbe nya a, lɛ ni tsumi ɔmɛ nɛ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 9:3

Yesu he nɔ ke: “Tsa pi nɔ nɛ ɔ loo e fɔli nɛ pee yayami, se mohu benɛ pee nɛ Mawu ni tsumi ɔmɛ nɛ na je po ngɛ e mi he je.

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

2 Timoteo 4:7

Ta kpakpa a, i hwu; fo ɔ, i tu gbe nya; hemi kɛ yemi ɔ i hɛɛ mi;