Yohane 17:3 - Somi He Ɔ

³ Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

BAIBLO ALOO NGMAMI KLƆUKLƆU Ɔ

³ Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 17:3 ပူးပေါင်းရင်းမြစ်များ

Marko 9:37

“Nɔ tsuaa nɔ nɛ heɔ jokuɛwi nɛ ngɛ kaa ni nɛ ɔmɛ a ti nɔ kake ngɛ ye biɛ mi ɔ, e heɔ mi; nɛ nɔ nɛ heɔ mi ɔ, tsa pi imi nɛ e ngɛ hee, se mohu nɔ nɛ tsɔ mi ɔ.”

Luka 9:48

nɛ e de mɛ ke: “Nɔ tsuaa nɔ nɛ maa ngɔ jokuɛ nyafii nɛ ɔ ngɛ ye biɛ mi ɔ, e ngɔ mi; nɛ nɔ nɛ ngɔ mi ɔ, e ngɔɔ nɔ nɛ tsɔ mi ɔ; ejakaa nɔ nɛ ji nyafii ngɛ nyɛ tsuo nyɛ kpɛti ɔ, lɛ nɔuu ji nɔ ngua.”

Yohane 10:36

nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

Yohane 11:42

Se imi lɛɛ i le kaa o buɔ mi tue; se asafo ɔ nɛ daa si ɔ he nɛ i ngɛ dee, konɛ a he ye kaa mo lɛ o tsɔ mi.”

Yohane 14:26

Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

Yohane 17:18

Kaa bɔ nɛ o tsɔ mi je ɔ mi ɔ, ja nɔuu imi hu i ngɛ mɛ je ɔ mi tsɔe.

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Yohane 17:25

Tsaatsɛ dalɔ, je ɔ li mo, se imi lɛɛ i le mo, nɛ ni nɛ ɔmɛ le kaa mo lɛ o tsɔ mi;

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Yohane 6:57

Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he.

Yohane 7:29

Se imi lɛɛ i le lɛ, ejakaa e ngɔ i je nɛ lɛ lɛ tsɔ mi.”

Yohane 8:19

Jeha nɛ ɔ a bi lɛ ke: “Jije o tsɛ ɔ ngɛ?” Yesu he nɔ ke: “Nyɛ li mi nɛ nyɛ pa li Tsaatsɛ. Kaa nyɛ le mi ɔ, nyɛ ko le Tsaatsɛ hulɔ.”

1 Korintobi 15:34

Nyɛ ha nyɛ hɛ mi nɛ tsɔ nyɛ saminya, nɛ nyɛ ko pee yayami; ejakaa nyɛ ti ni komɛ li nɔ́ ko nɔ́ ko ngɛ Mawu he. I ngɛ enɛ ɔ dee nɛ ma kɛ gbe nyɛ zo.

1 Korintobi 8:4

Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Filipibi 3:10

nɛ ma le lɛ kɛ e si temi ɔ he wami ɔ kɛ e manehlu ɔmɛ a mi huɛ bɔmi ɔ, nɛ ma pee kaa lɛ ngɛ e gbenɔ ɔ blɔfami,

Filipibi 3:8

Niinɛ kaa i buu lɛ tsuo kaa nihi nɛ laa ngɛ Kristo Yesu, ye Nyɔmtsɛ ɔ, he ni lemi nɛ pe kulaa a he, lɛ e he nɛ nihi kulaa bɔ mi, nɛ i buu mɛ kaa kuku nɔ nihi, konɛ Kristo mohu nɛ pee ye nɔ,

1 Tesalonikabi 1:9

Ejakaa mɛ nitsɛmɛ a gbɛ wa slaami ɔ he munyu ɔ fia kɛ bɔ nɛ nyɛ kpale kɛ je amagahi a he kɛ ba Mawu ngɔ nɛ nyɛ ba sɔmɔ Mawu hɛ kalɔ ɔ,

2 Tesalonikabi 1:8

nɔ nɛ kɛ la nɛ ngɛ tsoe maa gbla nihi nɛ li Mawu kɛ nihi nɛ bui wa Mawetsɛ Yesu Kristo sane kpakpa a tue ɔmɛ a tue.

Hebribi 3:1

Enɛ ɔ he ɔ, mamimɛ, nyɛɛ tɛ̃tɛ̃ nyɛ hɛ mi, nyɛ ni klɔuklɔuhi nɛ na hiɔwe tsemi ɔ eko, nɛ nyɛɛ hyɛ Yesu wa hemi kɛ yemi jajemi ɔ he bɔfo kɛ osɔfo nɔkɔtɔma a;

2 Petro 1:2

Dloomi kɛ he jɔmi nɛ hiɛ ha nyɛ ngɛ Mawu kɛ wa Nyɔmtsɛ Yesu Kristo he ni lemi ɔ mi!

2 Petro 1:3

E mawu he wami ɔ ngɔ nihi kulaa nɛ hi ha wami kɛ Mawu jami ngɔ ke wɔ ngɛ nɔ nɛ gu lɛ nitsɛ e hɛ mi nyami kɛ e himi nɔ kɛ tsɛ wɔ ɔ mi.

2 Petro 1:8

Ejakaa ke kikɛmɛ a ni nɛ ɔmɛ hiɛ ngɛ nyɛ mi ɔ, e be hae nɛ nyɛ maa pee hejɔli aloo nihi nɛ wui yiblii ngɛ wa Nyɔmtsɛ Yesu Kristo he ni lemi ɔ blɔfami.

1 Yohane 1:2

Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

1 Yohane 2:23

Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

1 Yohane 4:6

Se wɔɔ lɛɛ Mawu mi wa je; nɔ tsuaa nɔ nɛ le Mawu ɔ, e buɔ wɔ tue; nɔ tsuaa nɔ nɛ e ji Mawu mi ɔ e bui wɔ tue. Lɔ ɔ waa kɛ naa anɔkuale mumi ɔ kɛ lakpa mumi ɔ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.