Yohane 17:26 - Somi He Ɔ

²⁶ nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

BAIBLO ALOO NGMAMI KLƆUKLƆU Ɔ

²⁶ I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Yohane 17:26 ပူးပေါင်းရင်းမြစ်များ

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Yohane 17:6

“I je o biɛ ɔ si ngɔ tsɔɔ nimli nɛ o ngɔ kɛ je je ɔ mi ha mi ɔ. O nihi ji mɛ, nɛ o ngɔ mɛ ngɔ ha mi, nɛ a ye o munyu ɔ nɔ.

Yohane 15:9

Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi.

Hebribi 2:12

Nɛ eke: “Ma wo o biɛ ɔ tã ngɔ tsɔɔ ye nyɛmimɛ ɔmɛ; Asafo kpɛti hu ma la kɛ je o yi ngɛ.”

Yohane 15:15

I tsɛ we nyɛ nyɔguɛhi hu, ejakaa nyɔguɛ li nɔ nɛ e nyɔmtsɛ peɔ; se mohu huɛmɛ i tsɛ nyɛ, ejakaa nihi tsuo nɛ i nu ngɛ Tsaatsɛ nya a, i wo nɔ ta de nyɛ.

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Yohane 15:4

Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

Efesobi 5:32

Kikɛmɛ a laami sane nɛ ɔ mi jiɔ, se imi lɛɛ i ngɛ enɛ ɔ dee kɛ ngɛ Kristo kɛ asafo ɔ he toe.

Efesobi 5:30

ejakaa e nɔmlɔ tso he nihi nɛ je e he lo kɛ e wuhi a mi ji wɔ.

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 8:50

I hla we imi nitsɛ ye hɛ mi nyami, se nɔ ko ngɛ nɛ hlaa nɛ e kojoɔ.

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Kolosebi 3:11

he nɛ Hela no kɛ Yuda no, nɔ nɛ a po lɛ kɛ mɔmlɔtɔtsɛ, jekɔno kɛ Skite no, nyɔguɛ kɛ odehe ko be hu, se mohu Kristo ji nihi kulaa ngɛ nihi kulaa mi ɔ.

Kolosebi 2:10

nɛ nyɛ hyi tɔtɔɔtɔ ngɛ e mi, lɛ nɔ nɛ ji nɔkɔtɔma yemi kɛ he blɔ tsuo yi ɔ,

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

1 Korintobi 12:12

Ejakaa kaa bɔ nɛ nɔmlɔ tso ɔ kake ʼi, se e hɛɛ he nihi fuu, nɛ nɔmlɔ tso ɔ he nihi fuu ɔ kulaa ji nɔmlɔ tso kake ɔ, ja nɔuu hu ji Kristo.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Romabi 8:10

Se ke Kristo ngɛ nyɛ mi ɔ, nɔmlɔ tso ɔ gbo ngɛ yayami he lɛɛ, se mumi ɔ ji wami ngɛ dami he.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.