Yohane 17:25 - Somi He Ɔ

²⁵ Tsaatsɛ dalɔ, je ɔ li mo, se imi lɛɛ i le mo, nɛ ni nɛ ɔmɛ le kaa mo lɛ o tsɔ mi;

BAIBLO ALOO NGMAMI KLƆUKLƆU Ɔ

²⁵ Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 17:25 ပူးပေါင်းရင်းမြစ်များ

Yohane 17:11

Nɛ i be je ɔ mi hu, se ni nɛ ɔmɛ ngɛ je ɔ mi, nɛ imi lɛɛ i ma o ngɔ. Tsaatsɛ klɔuklɔu, nihi nɛ o ngɔ ha mi ɔ, to mɛ ngɛ o biɛ ɔ mi, benɛ pee nɛ a pee kake kaa wɔ.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 15:21

A maa ngɔ enɛ ɔmɛ tsuo ngɔ pee nyɛ ngɛ ye biɛ ɔ he, mɛni he je ɔ, a li nɔ nɛ tsɔ mi ɔ.

Yohane 7:29

Se imi lɛɛ i le lɛ, ejakaa e ngɔ i je nɛ lɛ lɛ tsɔ mi.”

Yohane 16:27

ejakaa Tsɛ ɔ nitsɛ suɔ nyɛ, mɛni he je ɔ, nyɛ hu nyɛ suɔ mi, nɛ nyɛ he ye kaa Mawu ngɔ i je.

Hebribi 8:11

Nɛ a ti nɔ ko be e huɛ loo e nyɛmi tsɔɔe ke: ‘Le Nyɔmtsɛ ɔ.’ Ejakaa mɛ kulaa a maa le mi, Kɛ maa je a kpɛti nɔ nyafii nɔ Kɛ yaa su nɔ ngua nɔ.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Yohane 8:55

nɛ nyɛ yo we lɛ, se imi lɛɛ i le lɛ. Ke i de ke i li lɛ ɔ, ma pee nyangɔlɔ kaa nyɛ; se i le lɛ nɛ i yeɔ e munyu nɔ.

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

1 Yohane 1:9

Ke wa jaje wa he yayami ɔmɛ ɔ, anɔkualetsɛ kɛ dalɔ ji Mawu, e kɛ wa he yayami ɔmɛ maa pa wɔ, nɛ e maa tsukɔ wa he kɛ maa je nihi, nɛ dɛ blɔ kulaa mi.

2 Tesalonikabi 1:8

nɔ nɛ kɛ la nɛ ngɛ tsoe maa gbla nihi nɛ li Mawu kɛ nihi nɛ bui wa Mawetsɛ Yesu Kristo sane kpakpa a tue ɔmɛ a tue.

1 Korintobi 15:34

Nyɛ ha nyɛ hɛ mi nɛ tsɔ nyɛ saminya, nɛ nyɛ ko pee yayami; ejakaa nyɛ ti ni komɛ li nɔ́ ko nɔ́ ko ngɛ Mawu he. I ngɛ enɛ ɔ dee nɛ ma kɛ gbe nyɛ zo.

1 Korintobi 1:21

Se akɛnɛ je ɔ gui Mawu ni lemi ɔ nɔ nɛ e kɛ e ni lemi ɔ nɛ le Mawu he je ɔ, e sa Mawu hɛ mi kaa e kɛ kuasiahi a sane ɔ nɛ a ngɛ fiɛe ɔ nɛ he nihi nɛ heɔ ye ɔ a yi wami.

Romabi 3:26

konɛ e je e dami ɔ ngɔ tsɔɔ ngɛ be nɛ ɔ mi, nɛ e ye nguɔ nɛ e wo nɔ nɛ heɔ Yesu nɔ yeɔ ɔ hu nguɔ.

Romabi 3:11

Ni lelɔ ko be, nɔ ko nɔ ko be nɛ hlaa Mawu se blɔ.

Romabi 1:28

Nɛ kaa bɔ nɛ a bui kaa e sa kaa a leɔ Mawu ngɛ a ni lemi mi ɔ, Mawu hu ngmɛɛ a he ha juɛmi nɛ sɛ, konɛ a pee nihi nɛ sɛ.

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Ni Tsumi 17:23

Ejakaa benɛ i bee nɛ i hyɛ nihi nɛ nyɛ ngɛ jae ɔ, i na bɔ sami latɛ ko hu nɛ a ngma ngɛ nɔ ke: ‘Mawu nɛ a li ɔ nɔ ʼi.’ Lɔ ɔ he ɔ, nɔ nɛ nyɛ li lɛ se kɛ̃ ɔ nyɛ jaa lɛ ɔ, lɛ nɔuu e he sane i ngɛ jajee kɛ ngɛ nyɛ tsɔɔe ɔ nɛ.

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

Yohane 17:18

Kaa bɔ nɛ o tsɔ mi je ɔ mi ɔ, ja nɔuu imi hu i ngɛ mɛ je ɔ mi tsɔe.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

Yohane 16:3

Nɛ a maa pee enɛ ɔmɛ, ejakaa a li Tsɛ ɔ loo imi hulɔ.

Yohane 8:19

Jeha nɛ ɔ a bi lɛ ke: “Jije o tsɛ ɔ ngɛ?” Yesu he nɔ ke: “Nyɛ li mi nɛ nyɛ pa li Tsaatsɛ. Kaa nyɛ le mi ɔ, nyɛ ko le Tsaatsɛ hulɔ.”

Yohane 6:19

Nɛ benɛ kaseli ɔmɛ hlui lɛ ɔ maa pee si tomi nya etɛ loo eywiɛ ɔ, a na Yesu nɛ nyɛɛ wo ɔ hɛ mi kɛ ma nɛ e miɔ nɛ e maa su lɛ ɔ he, nɛ a ye gbeye.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 1:18

Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

Mateo 16:16

Petro he nɔ ke: “Mo ji Kristo ɔ, Mawu hɛ kalɔ ɔ, bi ɔ.”

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Kpojemi 16:5

Nɛ i nu nɛ nyu ɔmɛ a nɔ bɔfo ɔ ngɛ dee ke: “Dalɔ ji mo, Nyɔmtsɛ, nɔ nɛ ngɛ kɛ nɔ nɛ hi si sa kɛ nɔ nɛ ji nɔ klɔuklɔu ɔ, ejakaa o nɔ da ngɛ o kojomi nɛ ɔmɛ a mi.