Yohane 17:23 - Somi He Ɔ

²³ I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

BAIBLO ALOO NGMAMI KLƆUKLƆU Ɔ

²³ I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 17:23 ပူးပေါင်းရင်းမြစ်များ

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

Yohane 16:27

ejakaa Tsɛ ɔ nitsɛ suɔ nyɛ, mɛni he je ɔ, nyɛ hu nyɛ suɔ mi, nɛ nyɛ he ye kaa Mawu ngɔ i je.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

Yohane 13:35

Ke nyɛ suɔ nyɛ he ɔ, lɔ ɔ nihi tsuo kɛ maa le kaa ye kaseli ji nyɛ.”

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

Kolosebi 3:14

Se enɛ ɔmɛ tsuo se ɔ, nyɛɛ wo suɔmi nɛ ji kpa nɛ fiɔ nihi kulaa peɔ kake ɔ kaa tade.

Yohane 17:26

nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 14:10

Anɛ o he we yi kaa i ngɛ Tsɛ ɔ mi nɛ Tsɛ ɔ hu ngɛ ye mi lo? Munyu nɛ i kɛ nyɛ tuɔ, pi imi nitsɛ ye yi mi nɛ i toɔ nɛ i deɔ; se Tsɛ ɔ nɛ hii ye mi ɔ, lɛ lɛ e tsuɔ ni tsumi ɔmɛ ɔ nɛ.

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Filipibi 3:15

Lɔ ɔ he ɔ, wa kpɛti nihi abɔ nɛ hi kɛ pi si ɔ, nyɛ ha waa hɛɛ kikɛmɛ a juɛmi nɛ ɔ; nɛ ke nɔ ko ngɛ nɛ susuu lɛ ekpa a, Mawu ma je kɔlɔ ɔ hu kpo ngɔ tsɔɔ nyɛ.

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

1 Yohane 4:19

Wa suɔ lɛ ejakaa lɛ kekle e suɔ wɔ.

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Yohane 10:38

se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 15:9

Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 17:11

Nɛ i be je ɔ mi hu, se ni nɛ ɔmɛ ngɛ je ɔ mi, nɛ imi lɛɛ i ma o ngɔ. Tsaatsɛ klɔuklɔu, nihi nɛ o ngɔ ha mi ɔ, to mɛ ngɛ o biɛ ɔ mi, benɛ pee nɛ a pee kake kaa wɔ.

Kpojemi 3:9

Oʼɛ, i kɛ ni komɛ nɛ je Satan kpe he ɔ nɛ deɔ ke Yudafohi ji mɛ se e be mi ja, se mohu lakpa mohu a ngɛ yee ɔ maa ba o hɛ mi; oʼɛ, ma ha nɛ a ba nɛ a ba nu o nane nɛ a ja mo, konɛ a le kaa imi lɛɛ i suɔ mo.