Yohane 17:22 - Somi He Ɔ

²² Nɛ hɛ mi nyami nɛ o ngɔ ha mi ɔ, i ngɔ ha mɛ, konɛ sa pee kake, kaa bɔ nɛ wɔ hu wa ngɛ kake ɔ.

BAIBLO ALOO NGMAMI KLƆUKLƆU Ɔ

²² O wo ye hɛ mi nyami, nɛ i ha mɛ hu a hɛ mi ba nyami ja nɔuu, konɛ a pee kake kaa bɔ nɛ i kɛ mo ngɛ ɔ.

Yohane 17:22 ပူးပေါင်းရင်းမြစ်များ

2 Korintobi 3:18

Se wɔ kulaa nɛ waa kɛ hɛ mi kpetekplee hyɛɛ Nyɔmtsɛ ɔ hɛ mi nyami ɔ, kaa a hyɛɛ ahuhuɛ mi ɔ, wa ngɛ tsakee kɛ ngɛ jamɛ a subai ɔ nɔuu plɛe kɛ ngɛ hɛ mi nyami mi jee kɛ yaa hɛ mi nyami mi, ejakaa enɛ ɔ je Nyɔmtsɛ nɛ ji Mumi ɔ ngɔ.

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Yohane 1:16

Ejakaa e hyi mi ɔ mi je nɛ wɔ tsuo wa na dloomi ngɔ si dloomi nɔ.

Efesobi 2:20

nɛ a fia nyɛ ngɔ ma bɔfo ɔmɛ kɛ gbali ɔmɛ a sisi tomi ɔ nɛ e kɔ nya tɛ ji Kristo Yesu ɔ nɔ,

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

2 Korintobi 5:20

Lɔ ɔ he ɔ, wa ji bɔfohi ngɛ Kristo nane mi, kaa nɔ́ nɛ Mawu gu wa nɔ nɛ e kɛ nihi ngɛ munyu tue: Wa daa si ngɛ Kristo nane mi ngɛ nyɛ pɛɛ kpae ke: Nyɛ ha a dla nyɛɛ kɛ Mawu kpɛti!

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Marko 6:7

Nɛ e ya kpa kɔpehi nɛ bɔle lejɛ ɔmɛ a mi nɛ e tsɔɔ ni. E tsɛ e kaseli nyɔngma kɛ enyɔ ɔ kɛ ba e ngɔ nɛ e bɔni mɛ tsɔmi enyɔenyɔ, nɛ e ha mɛ he wami ngɛ mumi yayamihi a nɔ.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

Ni Tsumi 5:41

Kɛkɛ nɛ a je gua ngua a hɛ mi kɛ ho kɛ bua jɔmi kaa e biɛ ɔ he ɔ, a bu mɛ nihi nɛ sa kaa a bɔ mɛ ahlua.

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

Luka 22:30

konɛ nyɛɛ ye nɛ nyɛɛ nu ngɛ ye kplɔɔ ɔ he ngɛ ye matsɛ yemi ɔ mi, nɛ nyɛɛ hi sɛhi a nɔ nɛ nyɛɛ kojo Israel wɛtso nyɔngma kɛ enyɔ ɔ.”

Kpojemi 21:14

Nɛ ma a he gli ɔ ngɛ sisi tomihi (aloo fanesihi) ɔnyɔngma kɛ enyɔ, nɛ Tobi ɔ bɔfohi nyɔngma kɛ enyɔ ɔmɛ a biɛhi ngɛ a mi.

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

Filipibi 1:29

Ejakaa nyɛɛ lɛɛ a dloo nyɛ ngɛ Kristo he, pi ngɛ e nɔ hemi kɛ yemi mi kɛkɛ, se mohu kaa nyɛ na nɔ ngɛ e he hulɔ,

Romabi 8:30

Nihi nɛ e je ngɔ to ɔ, mɛ nɔuu e tsɛ; nɛ nihi nɛ e tsɛ ɔ, mɛ nɔuu nguɔ e wo; nɛ nihi nɛ e wo nguɔ ɔ, mɛ nɔuu a hɛ mi nyami e wo.

1 Yohane 4:17

Enɛ ɔ mi suɔmi ɔ hi kɛ pi si ngɛ ngɛ wa mi, konɛ wa na kã ngɛ kojomi ligbi ɔ nɔ; ejakaa bɔ nɛ e ngɛ ɔ, jã wɔ hu wa ngɛ ngɛ je nɛ mi.