Yohane 17:21 - Somi He Ɔ

²¹ Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

BAIBLO ALOO NGMAMI KLƆUKLƆU Ɔ

²¹ I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Yohane 17:21 ပူးပေါင်းရင်းမြစ်များ

1 Korintobi 12:12

Ejakaa kaa bɔ nɛ nɔmlɔ tso ɔ kake ʼi, se e hɛɛ he nihi fuu, nɛ nɔmlɔ tso ɔ he nihi fuu ɔ kulaa ji nɔmlɔ tso kake ɔ, ja nɔuu hu ji Kristo.

Yohane 17:11

Nɛ i be je ɔ mi hu, se ni nɛ ɔmɛ ngɛ je ɔ mi, nɛ imi lɛɛ i ma o ngɔ. Tsaatsɛ klɔuklɔu, nihi nɛ o ngɔ ha mi ɔ, to mɛ ngɛ o biɛ ɔ mi, benɛ pee nɛ a pee kake kaa wɔ.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Yohane 13:35

Ke nyɛ suɔ nyɛ he ɔ, lɔ ɔ nihi tsuo kɛ maa le kaa ye kaseli ji nyɛ.”

Ni Tsumi 4:32

Nihi babauu nɛ he ye ɔ kulaa hɛɛ tsui kake kɛ mumi kake, nɛ a ti nɔ ko nɔ ko tsɛ we e nihi nɛ e ngɛ ɔ mi eko ke lɛ nitse e nɔ, se mohu a ngɔ kulaa ngɔ pee kake.

Yohane 17:8

ejakaa munyu ɔmɛ nɛ ɔ ngɔ ha mi ɔ, i ngɔ ha mɛ; nɛ a he, nɛ a na le faii kaa o ngɔ i je, nɛ a he ye kaa mo lɛ o tsɔ mi.

Yohane 10:38

se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 10:30

Imi kɛ Tsaatsɛ tsuo ɔ, kake ʼi.”

Galatabi 3:28

Yudano be ɔ, Helano hu bé hu; nyɔguɛ bé ɔ, odehe hu bé hu; nyumu be ɔ, yo hu be hu; ejakaa nyɛ tuso ɔ, nɔ kake ji nyɛ ngɛ Kristo Yesu mi.

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

Romabi 12:5

ja nɔuu wɔ fuu nɛ ɔ, nɔmlɔ tso kake ji wɔ ngɛ Kristo mi, nɛ wa ti nɔ tsuaa nɔ ɔ, e nyɛmi he nɔ́ ji lɛ.

1 Yohane 5:7

Odase yeli etɛ lɛ ngɛ,

Ni Tsumi 2:46

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni,

Yohane 17:25

Tsaatsɛ dalɔ, je ɔ li mo, se imi lɛɛ i le mo, nɛ ni nɛ ɔmɛ le kaa mo lɛ o tsɔ mi;

Yohane 10:16

I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Yohane 3:17

Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 17:18

Kaa bɔ nɛ o tsɔ mi je ɔ mi ɔ, ja nɔuu imi hu i ngɛ mɛ je ɔ mi tsɔe.

Yohane 11:42

Se imi lɛɛ i le kaa o buɔ mi tue; se asafo ɔ nɛ daa si ɔ he nɛ i ngɛ dee, konɛ a he ye kaa mo lɛ o tsɔ mi.”

Yohane 17:20

“Se pi ni nɛ ɔmɛ a he kɛkɛ nɛ i ngɛ pɛɛ kpae ngɛ ɔ, se nihi nɛ ma he ye nɔ maa ye ngɛ a munyu ɔ nya a hulɔ.

1 Korintobi 6:17

Se nɔ nɛ kɛ e he bɔɔ Nyɔmtsɛ ɔ he ɔ, e kɛ lɛ peɔ mumi kake.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

Marko 3:24

Ke ma ko gba wo lɛ nitsɛ e he ɔ, jamɛ a ma a be nyɛe si dami.

Yohane 13:32

Ke a wo Mawu hɛ mi nyami ngɛ e mi ɔ, Mawu hu maa wo e hɛ mi nyami ngɛ lɛ nitsɛ e mi, nɛ e maa wo e hɛ mi nyami oya.