Yohane 17:12 - Somi He Ɔ

¹² Benɛ i kɛ mɛ ngɛ je ɔ mi ɔ, i to mɛ ngɛ o biɛ ɔ mi; nihi nɛ o ngɔ ha mi ɔ, i bu a he, nɛ a ti nɔ ko nɔ ko laa we, ja laami bi ɔ, konɛ nɔ́ nɛ a ngma a nɛ ba mi.

BAIBLO ALOO NGMAMI KLƆUKLƆU Ɔ

¹² Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Yohane 17:12 ပူးပေါင်းရင်းမြစ်များ

Yohane 18:9

(Konɛ munyu nɛ a tu ke: “Nihi nɛ o ngɔ ha mi ɔ, i ha we nɛ a ti nɔ ko nɛ laa” a nɛ ba mi.)

Yohane 13:18

“Pi nyɛ tsuo nyɛ he munyu nɛ i ngɛ tue ɔ; imi lɛɛ i le nihi nɛ i hla; se mohu benɛ pee nɛ nɔ́ nɛ a ngma a nɛ ba mi ke: Nɔ nɛ yeɔ ye dɛ mi abolo ɔ, e wo e nane seja nɔ ngɔ si mi.

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

1 Yohane 2:19

Wa kpɛti a je kɛ ho, se kɛ ɔ, pi wa ti ni komɛ ji mɛ, ejakaa wa ti ni komɛ ji mɛ jinɛ a kɛ wɔ ko hi si; se a je benɛ pee nɛ a je a he si kaa tsa pi mɛ tsuo ji wa kpɛti nihi.

Ni Tsumi 1:25

kone e ngɔ kikɛmɛ a sɔmɔmi kɛ bɔfo ni tsumi nɛ Yuda je mi ngɔ lɛ nitse e blɔ ɔ.”

2 Tesalonikabi 2:3

Nyɛ ko ha nɔ ko nɛ e sisi nyɛ ngɛ blɔ ko blɔ ko nɔ, ejakaa ja Mawu jami kuami ɔ ba lolo, nɛ a je dikalɔ nɛ ji hɛ mi kpatami bi ɔ kpo,

Hebribi 2:13

Kɛ jehanɛ hu: “Ma ngɔ ye hɛ ngɔ fɔ e nɔ.” Kɛ jehanɛ: “Oʼɛ mi kɛ bimɛ nɛ Mawu ngɔ ha mi ɔ.”

Yohane 17:6

“I je o biɛ ɔ si ngɔ tsɔɔ nimli nɛ o ngɔ kɛ je je ɔ mi ha mi ɔ. O nihi ji mɛ, nɛ o ngɔ mɛ ngɔ ha mi, nɛ a ye o munyu ɔ nɔ.

Filipibi 2:9

Enɛ ɔ he hulɔ nɛ Mawu wo e nɔ gojoo nɛ e dloo lɛ biɛ nɛ pa biɛ tsuaa biɛ,

Kpojemi 19:12

E hɛngmɛhi ngɛ kaa la lilɛhi, nɛ e bu matsɛ pɛɛhi fuu, nɛ a ngma e biɛ ko nɛ nɔ ko nɔ ko li ja lɛ nitsɛ kɛkɛ;