Yohane 17:1 - Somi He Ɔ

¹ Benɛ Yesu de ni nɛ ɔmɛ se ɔ, e wo e hɛ nɔ kɛ ya hiɔwe, nɛ e ke: “Tsaatsɛ, ngmlɛfia a su. Wo o bi ɔ hɛ mi nyami, konɛ o bi ɔ hu nɛ wo o hɛ mi nyami.

BAIBLO ALOO NGMAMI KLƆUKLƆU Ɔ

¹ Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 17:1 ပူးပေါင်းရင်းမြစ်များ

Yohane 12:23

Nɛ Yesu he nɔ nɛ e ke: “Ngmlɛfia a nɛ a maa wo Nɔmlɔ Bi ɔ hɛ mi nyam ɔ su.

Ni Tsumi 3:13

Abraham kɛ Isak kɛ Yakob Mawu ɔ nɛ ji wa tsɛmɛ a Mawu ɔ wo e tsɔlɔ Yesu hɛ mi nyami; nɔ nɛ nyɛ je lɛ ngɔ ha nɛ nyɛ kua lɛ ngɛ Pontio Pilato hɛ mi, benɛ lɛɛ e pee e juɛmi kaa e maa ngmɛɛ e he ɔ.

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

Yohane 11:4

Se benɛ Yesu nu enɛ ɔ ɔ, e ke: “Kikɛmɛ a hiɔ nɛ ɔ pi gbenɔ hiɔ, se mohu Mawu hɛ mi nyami ɔ he je, benɛ pee nɛ a wo Mawu Bi ɔ hɛ mi nyami.”

Marko 14:41

Nɛ e ba nɔ́ nɛ ji si etɛ, nɛ e de mɛ ke: “Nyɛɛ lɛɛ nyɛ he mi jɔ nyɛ nɛ nyɛ ngɛ mahɛ hwɔe kɛ mwɔɔ nɛ ɔ? E hiɛ! Ngmlɛfia a su, oʼɛ, a ngɛ Nɔmlɔ Bi ɔ ngɔe kɛ ngɛ yayami peeli a dɛ mi woe.

Yohane 11:41

Kɛkɛ nɛ a je tɛ ɔ ngɛ he nɛ nɔ gbogboe ɔ fɔɔ si ngɛ ɔ. Nɛ Yesu wo e hɛ nɔ nɛ e hyɛ hiɔwe, nɛ e ke: “Tsaatsɛ, i naa mo si kaa o bu mi tue.

Yohane 8:20

Yesu tu munyu nɛ ɔmɛ ngɛ nito he ɔ benɛ e ngɛ ni tsɔɔe ngɛ sɔlemi we ɔ; nɛ nɔ ko nui lɛ, ejakaa e ngmlɛfia a sui.

Yohane 7:30

Enɛ ɔ he ɔ, a ngɛ lɛ hlae nɛ a nu, se nɔ ko tɛ́ e he, ejakaa e ngmlɛfia a sui lolo.

Yohane 16:32

oʼɛ, ngmlɛfia a ma, nɛ e su po, nɛ nyɛ maa gbɛ fia nɛ nɔ tsuaa nɔ maa ngɔ e blɔ, nɛ nyɛ maa je ye nɔ kake he; se pi ye nɔ kake ʼi, ejakaa Tsɛ ɔ kɛ mi ngɛ.

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ wo we nyɛ nine nɔ ngɛ ye nɔ; se nyɛ ngmlɛfia a kɛ diblii ɔ he wami ji nɛ ɔ nɛ!”

Luka 18:13

Se onia tsulɔ ɔ daa si ngɛ se lokoo, nɛ e mi nɛ e wo e hɛ nɔ kɛ ya hiɔwe tete; se mohu e ngɔ e nine ngɔ fɔ e tsui mi nɛ e ke: ‘Mawu, o kɛ mi nɛ ji yayami peelɔ ɔ nɛ kpata!’