Yohane 16:7 - Somi He Ɔ

⁷ Se kɛ̃ ɔ, i ngɛ nyɛ anɔkuale dee: e hi ha nyɛ kaa ma je; mɛni he je ɔ, ke i ji ɔ, Hepiɛlɔ ɔ be nyɛ ngɔ bae; se ke i je ɔ, ma ha e ba nyɛ ngɔ.

BAIBLO ALOO NGMAMI KLƆUKLƆU Ɔ

⁷ I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Yohane 16:7 ပူးပေါင်းရင်းမြစ်များ

Luka 24:49

Nɛ oʼɛ, i ngɛ hae nɛ Tsaatsɛ si womi ɔ nɛ ba nyɛ nɔ; lɔ ɔ he ɔ nyɛɛ hi si ngɛ Yerusalem ma a mi kɛ ya su be nɛ a maa je hiɔwe ba wo nyɛ he wami.”

Luka 4:25

Se i ngɛ nyɛ dee anɔkuale mi ke: Yalɔ yi fuu ngɛ Israel ngɛ Elia yinɔ ɔ benɛ a nga hiɔwe nya jeha etɛ kɛ hlami ekpa sɔuu nɛ hwɔ ngua ba zugba a tsuo nɔ ɔ;

Luka 9:27

Se niinɛ, i ngɛ nyɛ dee ke: ni komɛ ngɛ nihi nɛ daa si ngɛ hiɛ ɔ nɛ ɔ a kpɛti nɛ a be gboe kɛ yaa su be nɛ a maa na Mawu matsɛ yemi ɔ.”

Yohane 14:26

Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

Yohane 14:28

Nyɛ nu kaa i de nyɛ ke: ‘I yaa, nɛ ma ba nyɛ ngɔ.’ Nyɛ suɔ mi jinɛ nyɛ ma na bua jɔmi kaa i yaa Tsɛ ɔ ngɔ, ejakaa Tsaatsɛ kle pe mi.

Yohane 14:3

Nɛ ke i ya nɛ i ya dla blɔ he ngɔ to nyɛ ɔ, ma ba ekohu nɛ ma ba ngɔ nyɛ kɛ ya he nɛ imi nitsɛ i ngɛ ɔ, konɛ he nɛ i ngɛ ɔ, nyɛ hu nyɛɛ hi lejɛ ɔ.

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 16:8

Nɛ lɛɛ, ke e ba a, e ma kã je ɔ ngɛ yayami he kɛ dami he kɛ kojomi he:

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

Ni Tsumi 10:34

Kɛkɛ nɛ Petro pa e nya mi nɛ e ke: “Niinɛ, i kpa si kaa Mawu pi nimli a hɛ mi hyɛlɔ;

Ni Tsumi 2:33

Jeha nɛ ɔ akɛnɛ a wo e nɔ kɛ ho Mawu hiɛ ɔ nine nɔ ya nɛ e na Mumi Klɔuklɔu ɔ he si womi ɔ kɛ je Tsɛ ɔ dɛ he je ɔ, e nɛ nɔ́ nɛ nyɛ ngɛ nae nɛ nyɛ ngɛ nue nɛ ɔ ngɔ pue si.

Romabi 8:28

Se wa le kaa, nihi tsuo mi ɔ, Mawu yeɔ buaa nihi nɛ suɔ lɛ ɔ konɛ e hi ha mɛ, mɛ ninɛmɛ nɛ a tsɛ mɛ ngɛ e yi mi tomi nya a.

2 Korintobi 4:17

Ejakaa wa nɔ nami nɛ nya wa nɛ se kɛ we nɛ ɔ ngɛ neneene hɛ mi nyami babauu nɛ be nɔ nɛ he jua wa hluu nya buae ha wɔ.