Yohane 16:23 - Somi He Ɔ

²³ “Jamɛ a ligbi ɔ nɔ ɔ, nyɛ be mi nɔ́ ko nɔ́ bie. I ngɛ nyɛ dee anɔkuale mi ke: Nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ma ha nyɛ.

BAIBLO ALOO NGMAMI KLƆUKLƆU Ɔ

²³ “Jamɛ a ligbi ɔ, e be hiae kaa nyɛ bi mi nɔ́ ko hu. I ngɛ nyɛ dee anɔkuale mi ke, nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e maa pee ha nyɛ.

Yohane 16:23 ပူးပေါင်းရင်းမြစ်များ

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Mateo 21:22

Nɛ nɔ́ tsuaa nɔ́ nɛ nyɛ maa sɔle ma bi kɛ hemi kɛ yemi ɔ, nyɛ nine maa su nɔ.”

Mateo 7:7

“Nyɛ bi, nɛ a ma ha nyɛ; nyɛ hla nɛ nyɛ maa na; nyɛ si, nɛ a ma bli ha nyɛ.

Yohane 16:26

Jamɛ a ligbi ɔ nɔ ɔ, nyɛ ma kpa pɛɛ ngɛ ye biɛ mi, se i de we nyɛ ke imi lɛ ma bi Tsɛ ɔ ha nyɛ,

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Efesobi 2:18

ejakaa e nɔ wɔ ni enyɔ ɔmɛ kulaa guu kɛ naa blɔ ngɛ mumi kake mi kɛ yaa Tsɛ ɔ ngɔ.

1 Yohane 2:1

Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

Yohane 14:5

Toma de lɛ ke: “Mawetsɛ, wa li he nɛ o yaa, nɛ kɛ wa maa pee kɛɛ nɛ wa maa le blɔ ɔ?”

Yohane 16:19

Jeha nɛ ɔ Yesu na kaa a ngɛ hlae nɛ a bi lɛ, nɛ e de mɛ ke: “Nɛ i ke e piɛ bɔɔ nɛ nyɛ be mi nae hu, nɛ jeha nɛ ɔ hu e piɛ bɔɔ nɛ nyɛ maa na mi ɔ, lɔ ɔ nyɛ ngɛ nyɛ he bie nɛ ɔ?

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

Yohane 14:22

Yuda, pi Iskariot ɔ, bi lɛ ke “Nyɔmtsɛ, mɛni ba he je nɛ wɔ kɛkɛ o ma je o he si ngɔ tsɔɔ nɛ o be jee ngɔ tsɔɔ je ɔ?”