Yohane 16:19 - Somi He Ɔ

¹⁹ Jeha nɛ ɔ Yesu na kaa a ngɛ hlae nɛ a bi lɛ, nɛ e de mɛ ke: “Nɛ i ke e piɛ bɔɔ nɛ nyɛ be mi nae hu, nɛ jeha nɛ ɔ hu e piɛ bɔɔ nɛ nyɛ maa na mi ɔ, lɔ ɔ nyɛ ngɛ nyɛ he bie nɛ ɔ?

BAIBLO ALOO NGMAMI KLƆUKLƆU Ɔ

¹⁹ Yesu na kaa a ngɛ hlae nɛ a bi lɛ nɔ́ nɛ e de ɔ sisi, lɔ ɔ he ɔ, e de mɛ ke, “I ke, ‘E piɛ bɔɔ nɛ nyɛ be mi nae hu; kɛkɛ bɔɔ se ɔ, nyɛ maa na mi ekohu.’ Anɛ enɛ ɔ he munyu nyɛ ngɛ nyɛ he bie ɔ?

Yohane 16:19 ပူးပေါင်းရင်းမြစ်များ

Yohane 16:30

Jeha nɛ ɔ wa kɔ se kaa o le nihi tsuo nɛ e hia we kaa nɔ ko nɛ bi mo sane ko. Enɛ ɔ waa kɛ heɔ yeɔ kaa Mawu ngɔ o je.”

Yohane 16:16

“E piɛ bɔɔ nɛ nyɛ be mi nae, nɛ jeha nɛ ɔ hu e piɛ bɔɔ nɛ nyɛ maa na mi; ejakaa i yaa Tsɛ ɔ ngɔ.”

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Yohane 13:33

Bimɛ tsɔwi, be bɔɔ kɛkɛ e piɛ nɛ i kɛ nyɛ maa hi si; nyɛ ma hla mi, nɛ bɔ nɛ i de Yudafo ɔmɛ ke: ‘He nɛ i yaa a, nyɛɛ lɛɛ nyɛ be lejɛ ɔ nyɛe maa bɛ’ a, jã i ngɛ nyɛ hu dee jeha nɛ ɔ nɛ.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

Hebribi 4:13

A laa we bɔ nɔ́ ko ngɛ e hɛ mi, se nihi kulaa ngɛ paa nɛ a bli nɔ ngɛ lɛ nɔ nɛ waa kɛ ngɛ sane ɔ hɛngmɛ mi.

Yohane 21:17

Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

Mateo 9:4

Nɛ benɛ Yesu na a juɛmi ɔ, e ke: “Mɛni he je nɛ nyɛ ngɛ ni yayahi susue ngɛ nyɛ tsui mi nɛɔ?

Mateo 6:8

Nyɛ ko pee kaa mɛ; se nyɛ tsɛ ɔ le nihi nɛ hiaa nyɛ loko nyɛ biɔ lɛ.

Marko 9:32

Se a nɛ́ jamɛ a munyu ɔ nya, nɛ a ngɛ gbeye yee kaa a ma bi lɛ.

Yohane 6:61

Se benɛ Yesu yo kaa e kaseli ɔmɛ ngɛ huhuue ngɛ enɛ ɔ he ɔ, e bi mɛ ke: “Anɛ enɛ ɔ lɛ ngɛ nyɛ nane kpatae nɛ ɔ?

Yohane 16:18

Lɔ ɔ he ɔ a ke: “Mɛni ji nɔ́ nɛ e ngɛ dee nɛ ɔ: ‘E piɛ bɔɔ’? Wa li nɔ́ nɛ e ngɛ dee nɛ ɔ.”

Yohane 16:23

“Jamɛ a ligbi ɔ nɔ ɔ, nyɛ be mi nɔ́ ko nɔ́ bie. I ngɛ nyɛ dee anɔkuale mi ke: Nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ma ha nyɛ.

Yohane 16:26

Jamɛ a ligbi ɔ nɔ ɔ, nyɛ ma kpa pɛɛ ngɛ ye biɛ mi, se i de we nyɛ ke imi lɛ ma bi Tsɛ ɔ ha nyɛ,