Yohane 16:14 - Somi He Ɔ

¹⁴ Lɛ e maa wo ye hɛ mi nyami, ejakaa e maa ngɔ ye nɔ ɔ eko nɛ e maa wo nɔ ta de nyɛ.

BAIBLO ALOO NGMAMI KLƆUKLƆU Ɔ

¹⁴ E maa wo ye hɛ mi nyami, ejakaa níhi nɛ i wo nɔ ta a, e maa tsɔɔ nyɛ.

Yohane 16:14 ပူးပေါင်းရင်းမြစ်များ

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Galatabi 5:5

Ejakaa wɔɔ lɛɛ, Mumi ɔ nɔ wa guu waa kɛ hemi kɛ yemi mlɛɛ dami hɛ kɛ nɔ fɔmi ɔ.

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

1 Korintobi 12:3

Lɔ ɔ he ɔ, i ngɛ hae nɛ nyɛɛ le kaa, nɔ nɛ tuɔ munyu ngɛ Mawu mumi mi ɔ, de we ke Yesu ɔ musutsɛ ji lɛ, nɛ nɔ ko be nyɛe ma de ke Yesu ji Nyɔmtsɛ hulɔ, kaa ja Mumi Klɔuklɔu ɔ kpaka lɛ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

1 Yohane 5:6

Yesu Kristo ji nɔ nɛ gu nyu kɛ muɔ mi kɛ ba a nɛ; pi nyu ɔ mi kɛkɛ se mohu ngɛ nyu kɛ muɔ ɔ mi. Nɛ Mumi ɔ ji nɔ nɛ yeɔ odase, ejakaa Mumi ɔ ji anɔkuale ɔ nɛ.

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

1 Petro 2:7

Lɔ ɔ he ɔ, nyɛ nihi nɛ nyɛ heɔ yeɔ ɔ, tɛ nɛ ɔ he jua wa ha nyɛ; se ninɛmɛ nɛ he we yi ɔ, “tɛ nɛ tsu fiali ɔmɛ kua a, kɔlɔ ɔ nɔuu lɛ plɛ kɔ nya tɛ kɛ si tɛmi tɛ kɛ nane kpatami tɛ sa ha mɛ.”

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”