Yohane 16:10 - Somi He Ɔ

¹⁰ dami he, ejakaa i yaa Tsɛ ɔ ngɔ, nɛ nyɛ be mi nae hu;

BAIBLO ALOO NGMAMI KLƆUKLƆU Ɔ

¹⁰ nɛ a juɛmi ngɛ nɔ́ nɛ da he ɔ dɛ, ejakaa i yaa Tsaatsɛ ngɔ nɛ nyɛ be mi nae hu.

Yohane 16:10 ပူးပေါင်းရင်းမြစ်များ

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Ni Tsumi 3:14

Se nyɛɛ lɛɛ nyɛ kua nɔ klɔuklɔu kɛ dalɔ ɔ, nɛ nyɛ kpa pɛɛ ke a ngmɛɛ nɔmlɔ awi yelɔ mohu he ngɔ ha nyɛ,

Galatabi 5:5

Ejakaa wɔɔ lɛɛ, Mumi ɔ nɔ wa guu waa kɛ hemi kɛ yemi mlɛɛ dami hɛ kɛ nɔ fɔmi ɔ.

Romabi 1:17

Ejakaa kɔlɔ ɔ mi a jeɔ Mawu dami kpo ngɛ, kɛ jee hemi kɛ yemi mi kɛ yaa hemi kɛ yemi mi; kaa bɔ nɛ a ngma ke: “Dalɔ nɛ guu hemi kɛ yemi nɔ ɔ yi ma na wa.”

Ni Tsumi 17:31

Ejakaa e to ligbi ko nɛ e maa gu nyumu ko nɛ e to ɔ nɔ kɛ kojo je mluku ɔ tsuo ngɛ dami nya; e ha nɔ tsuaa nɔ le enɛ ɔ, ejakaa e tle lɛ si kɛ je gbeje.”

Ni Tsumi 7:52

Gbali ɔmɛ a ti mɛnɔ nyɛ tsɛmɛ ɔmɛ wɛ́ lɛ yi mi hyɛ? Nɛ a gbe nihi nɛ gba sa ngɛ dalɔ ɔ bami ɔ he ɔ, nɔ nɛ jeha nɛ ɔ nyɛ plɛ e se blɔ tsɔɔli kɛ awi yeli ɔ,

Ni Tsumi 2:32

Kikɛmɛ a Yesu nɛ ɔ Mawu tle lɛ si; lɔ ɔ he odase yeli ji wɔ kulaa.

Yohane 5:32

Nɔ kpa ko ngɛ nɛ yeɔ ye he odase, nɛ i le kaa e odase nɛ e yeɔ ngɛ ye he ɔ anɔkuale ʼi!

Yohane 3:14

Nɛ bɔ nɛ Mose wo sinɔ ɔ nɔ ngɛ nga a nɔ ɔ, ja nɔuu sa kaa a wo Nɔmlɔ Bi ɔ nɔ.

Yohane 7:33

Kɛkɛ nɛ Yesu de mɛ ke: “Be bɔɔ ko pɛ e piɛ nɛ i kɛ nyɛ maa hi si, nɛ ma ya nɔ nɛ tsɔ mi ɔ ngɔ.

Yohane 16:5

“Se jeha nɛ ɔ ɔ, fi yaa nɔ nɛ tso mi ɔ ngɔ, nɛ nyɛ ti nɔ ko bi we mi ke: ‘Jije o yaa?’

Yohane 16:28

Tsɛ ɔ ngɔ i je kɛ ba je ɔ mi, jeha nɛ ɔ hu, i ngɛ je ɔ mi jee kɛ yaa Tsɛ ɔ ngɔ.”