Yohane 15:8 - Somi He Ɔ

⁸ Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

BAIBLO ALOO NGMAMI KLƆUKLƆU Ɔ

⁸ Yiblii babauu nɛ nyɛ woɔ ɔ, nyɛɛ kɛ woɔ Tsaatsɛ hɛ mi nyami, nɛ nyɛ peeɔ ye kaseli.

Yohane 15:8 ပူးပေါင်းရင်းမြစ်များ

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Mateo 5:44

Se imi lɛɛ, i ngɛ nyɛ dee ke: Nyɛɛ suɔ nyɛ henyɛli, nyɛɛ sɔle ha nihi nɛ waa nyɛ yi mi ɔ,

Mateo 9:8

Se benɛ asafo ɔ na a, a nya kpɛ a he, nɛ a wo Mawu hɛ mi nyami kaa e ngɔ kikɛmɛ a he blɔ ha nimli.

Luka 6:35

Mohu nyɛɛ suɔ nyɛ henyɛli, nɛ nyɛɛ pee kpakpa nɛ nyɛɛ pa nɛ nyɛ ko hyɛ nɔ́ ko blɔ kulaa, nɛ nyɛ hiɔwo maa hiɛ, nɛ nyɛ ma plɛ Hiɔweno ɔ bimɛ, ejakaa e muklii mi jɔɔ haa tlumuhi kɛ nimli yayamihi.

Yohane 13:35

Ke nyɛ suɔ nyɛ he ɔ, lɔ ɔ nihi tsuo kɛ maa le kaa ye kaseli ji nyɛ.”

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Yohane 8:31

Kɛkɛ nɛ Yesu de Yudafo ɔmɛ nɛ he lɛ ye ɔ ke: “Ke nyɛ hi si ngɛ ye munyu ɔ mi ɔ, ye kaseli nitsɛmɛ ji nyɛ,

1 Korintobi 10:31

Lɔ ɔ he ɔ, ke ni nyɛ ngɛ yee jio, ni nyɛ ngɛ nue jio, aloo nɔ kpa ko nɛ nyɛ ngɛ pee jio, nyɛɛ pee kulaa kɛ wo Mawu hɛ mi nyami.

1 Korintobi 6:20

Ejakaa a he nyɛ kɛ jua wawɛ. Lɔ ɔ he ɔ, nyɛɛ kɛ nyɛ nɔmlɔ tso ɔ nɛ wo Mawu hɛ mi nyami.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Tito 2:10

a ko ju, se mohu a kɛ anɔkuale yemi nitsɛ nɛ tsɔɔ mɛ, konɛ a kɛ wo Mawu nɛ ji wa yi wami helɔ ɔ tsɔɔmi ɔ hɛ mi nyami ngɛ nihi kulaa mi.

Tito 2:5

a hɛ nɛ ka si, a he nɛ tsɔ, a baa a we yi saminya, a mi mi nɛ jɔ, a ba a he si ha a hunomɛ, konɛ a ko tu Mawu munyu ɔ he musu bɔmi munyu.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.