Yohane 15:4 - Somi He Ɔ

⁴ Nyɛɛ hi ye mi, nɛ imi hu ma hi nyɛ mi. Kaa bɔ nɛ tso kɔni be nyɛe maa je lɛ nitsɛ e mi nɛ e wo yiblii kaa ja e ma wai tso ɔ he ɔ, ja nyɛ hu nyɛ be nyɛe kaa ja nyɛ hi ye mi.

BAIBLO ALOO NGMAMI KLƆUKLƆU Ɔ

⁴ Nyɛɛ hi ye mi nɛ imi hu ma hi nyɛ mi. Kaa bɔ nɛ tso kɔni be nyɛe maa wo yiblii ngɛ lɛ nitsɛ e dɛ he, se ja e mɛtɛ wai tso ɔ he ɔ, jã kɛ̃ nyɛ hu ke nyɛ hi ye mi ɔ, nyɛ be yiblii woe.

Yohane 15:4 ပူးပေါင်းရင်းမြစ်များ

Mateo 12:33

“Nyɛ ha tso ɔ nɛ pee kpakpa nɛ e wo yiblii kpakpahi; aloo nyɛ ha tso ɔ nɛ pee tso yaya nɛ e wo yiblii yayahi; ejakaa tso yiblii a kɛ leɔ tso.

Luka 8:15

Se zugba kpakpa mi nɔ́ ɔ ji nihi nɛ benɛ a nu munyu ɔ, a kɛ toɔ tsui kpakpa mi, nɛ a kɛ tsui si tomi hɛɛ mi nɛ a woɔ yiblii.”

Yohane 14:20

Jamɛ a ligbi ɔ nɔ ɔ, nyɛ nitsɛmɛ nyɛ maa le kaa i ngɛ ye tsɛ mi nɛ nyɛ hu nyɛ ngɛ ye mi nɛ imi hu i ngɛ nyɛ mi.

Yohane 17:23

I ngɛ a mi, nɛ mo hu o ngɛ yɛ mi, konɛ a pee kake kɛ pi si, nɛ je ɔ nɛ le kaa mo lɛ o tsɔ mi, nɛ o suɔ mɛ kaa bɔ nɛ o suɔ mi ɔ.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 8:31

Kɛkɛ nɛ Yesu de Yudafo ɔmɛ nɛ he lɛ ye ɔ ke: “Ke nyɛ hi si ngɛ ye munyu ɔ mi ɔ, ye kaseli nitsɛmɛ ji nyɛ,

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

2 Korintobi 13:5

Nyɛɛ ka nyɛ nitsɛmɛ nyɛ he hyɛ kaa nyɛ ngɛ hemi kɛ yemi mi lo. Nyɛɛ hyɛ nyɛ nitsɛmɛ nyɛ he nɛ hi. Aloo nyɛ li nyɛ nitsɛmɛ nyɛ he kaa Yesu Kristo ngɛ nyɛ mi lo? Ke pi ja a, lɛɛ nihi nɛ sɛ kulaa ji nyɛ.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Kolosebi 2:6

Akɛnɛ nyɛ he Kristo Yesu, Nyɔmtsɛ ɔ, atuu nɛ ɔ, nyɛɛ nyɛɛ ngɛ e mi, nɛ nyɛ sipoku nɛ pi si,

1 Tesalonikabi 3:5

Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

Hebribi 10:39

Se wɔɔ lɛɛ tsa pi nihi nɛ kpaleɔ kɛ yaa hɛ mi patami mi mi ɔ a ti nikomɛ ji wɔ se mohu wɔ ji nihi nɛ kɛ hemi kɛ yemi naa a klaa yi wami hemi ɔ a ti ni komɛ.

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

2 Yohane 1:9

Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.