Yohane 15:22 - Somi He Ɔ

²² I bɛ nɛ i kɛ mɛ ba tu munyu jinɛ, yayami ko be a he; se enɛ ɔ ɔ, a be a he yayami ɔ he nya jemi ko.

BAIBLO ALOO NGMAMI KLƆUKLƆU Ɔ

²² Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

Yohane 15:22 ပူးပေါင်းရင်းမြစ်များ

Luka 12:46

jamɛ a tsɔlɔ ɔ nyɔmtsɛ ɔ maa ba ngɛ ligbi nɛ e hyɛ we lɛ blɔ kɛ ngmlɛfia nɛ e li nɔ, nɛ e ma ba poo e mi, nɛ e ma ha lɛ e blɔfami nɔ kɛ ablaatsɛmɛ ɔmɛ.

Yohane 12:48

Nɔ nɛ kuaa mi nɛ e pɛtɛ we ye munyu ɔ he ɔ, e ngɛ nɔ ko nɛ kojo lɛ; munyu nɛ i tu ɔ, kɔlɔ ɔ nɔuu maa kojo lɛ ngɛ nyagbe ligbi ɔ nɔ.

Yohane 15:23

Nɔ nɛ nyɛɛ mi ɔ, e ngɛ Tsaatsɛ hu nyɛe.

Yohane 15:24

Kaa i tsu we ni tsumihi nɛ nɔ ko nɔ ko tsu we eko hyɛ ngɛ nyɛ kpɛti jinɛ, yayami ko be a he; se enɛ ɔ lɛɛ a na nɛ kɛ ɔ, a ngɛ mi nyɛe kɛ Tsaatsɛ tsuo.

Yohane 16:9

Yayami he, ejakaa a he we ye nɔ yi;

Yohane 19:11

Yesu de lɛ ke: “Ke pi hiɔwe nɛ a je ngɔ ha mo ɔ, jinɛ o be he wami ko nae ngɛ ye nɔ; lɔ ɔ he ɔ nɔ nɛ je mi wo o dɛ mi ɔ he yayami ɔ kle pe o nɔ ɔ.”

Yohane 9:41

Yesu de mɛ Ke: “Kaa nyɛ hɛ yu mohu ɔ, jinɛ yayami be nyɛ he; se jeha nɛ ɔ nyɛ deɔ ke: ‘Wa ngɛ nɔ hyɛe;’ lɔ ɔ he ɔ nyɛ he yayami ɔ ngɛ nyɛ he kɛ mwɔɔ.”

Ni Tsumi 17:30

Lɔ ɔ he ɔ, be nɛ a li ɔ Mawu ku e hɛ ngɔ fɔ nɔ, se jeha nɛ ɔ lɛɛ e ngɛ nimli kulaa nɛ ngɛ he tsuaa he ɔ kita woe kaa a tsake a tsui.

Romabi 1:20

Mɛni he je ɔ, e he nihi nɛ a nɛ́ nɛ ji e neneene hewami kɛ e Mawu nɛ e ji ɔ kulaa a, kɛ je adebɔ sisije lokoo ɔ, a guu e nihi nɛ e pee ɔmɛ a nɔ yɔseɔ nɛ a naa paa, lɔ ɔ he ɔ, a be nya jemi ko.

Romabi 2:1

Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Yakobo 4:17

Lɔ ɔ he ɔ, nɔ nɛ le kpakpa peemi nɛ e pee we ɔ, e ji yayami ha lɛ.

1 Petro 2:16

Kaa sodehehi, se pi ninɛmɛ nɛ ngɔɔ odehe yemi nɛ ɔ kɛ peɔ yayami nɔ hami nɔ, se mohu kaa Mawu sɔmɔli.