Yohane 15:16 - Somi He Ɔ

¹⁶ Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

BAIBLO ALOO NGMAMI KLƆUKLƆU Ɔ

¹⁶ Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 15:16 ပူးပေါင်းရင်းမြစ်များ

Mateo 21:22

Nɛ nɔ́ tsuaa nɔ́ nɛ nyɛ maa sɔle ma bi kɛ hemi kɛ yemi ɔ, nyɛ nine maa su nɔ.”

Mateo 7:7

“Nyɛ bi, nɛ a ma ha nyɛ; nyɛ hla nɛ nyɛ maa na; nyɛ si, nɛ a ma bli ha nyɛ.

Luka 6:13

Nɛ benɛ je na a, e tsɛ e kaseli ɔmɛ kɛ ba e ngɔ nɛ e hla a kpɛti ni nyɔngma kɛ enyɔ, ninɛmɛ nɛ e tsɛ mɛ bɔfohi hulɔ ɔ:

Yohane 13:18

“Pi nyɛ tsuo nyɛ he munyu nɛ i ngɛ tue ɔ; imi lɛɛ i le nihi nɛ i hla; se mohu benɛ pee nɛ nɔ́ nɛ a ngma a nɛ ba mi ke: Nɔ nɛ yeɔ ye dɛ mi abolo ɔ, e wo e nane seja nɔ ngɔ si mi.

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Yohane 6:70

Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.”

Ni Tsumi 1:24

Nɛ a sɔle ke: “Mo, Nyɔmtsɛ nɛ o le nimli kulaa a tsui mi, tsɔɔ ni enyɔ nɛ ɔmɛ a ti nɔ nɛ o hla,

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami nɛ nyɛ ma plɛ ye he odaseyeli ngɛ Yerusalem kɛ Yudea kɛ Samaria tsuo kɛ yaa su zugba a nyagbe he.”

Ni Tsumi 10:41

tsa pi ma mluku ɔ tsuo, se mohu odase yeli nɛ Mawu hla ngɔ to momo ɔ, nɛ ji wɔ nihi nɛ waa kɛ lɛ ye ni nɛ waa kɛ lɛ nu, benɛ e te si kɛ je gbeje ɔ se ɔ.

Ni Tsumi 22:14

Nɛ e ke: ‘Wa tsɛmɛ a Mawu ɔ hla mo ngɔ to nɛ o le e suɔmi nya ni nɛ o na Dalɔ ɔ nɛ o nu e nya mi gbi ko;

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Romabi 1:13

Se mamimɛ, i suɔ kaa nyɛɛ le kaa i pɔɔ ye yi mi tomi kaa ma ba nyɛ ngɔ kone ma ba na yiblii komɛ ngɛ nyɛ hu nyɛ kpɛti, kaa bɔ nɛ i na ke je majeli kpa amɛ a kpɛti ɔ, se a tsi ye nya kɛ ba ta piɔ.

Romabi 1:5

E nɔ i gu nɛ i na dloomi kɛ bɔfo ni tsumi ɔ kone ma ha majemaje ɔ kulaa nɛ bu hemi kɛ yemi ɔ tue, ngɛ e biɛ ɔ he:

Romabi 15:4

Ejakaa nihi abɔ nɛ a ngma ngɔ to momo ɔ, wɔ nitsɛmɛ wa he ni tsɔɔmi he a ngma ngɔ to ngɛ ɔ nɛ, konɛ waa kɛ tsui si tomi kɛ ngmami ɔmɛ a mi bua jɔmi ɔ nɛ na hɛ kɛ nɔ fɔmi.

Romabi 9:21

Aloo buɛpuɛlɔ ɔ be he wami ngɛ zu ɔ nɔ, kaa e kɛ zu kake nɛ a pɔtɔ ɔ nɔuu eko maa puɛ nɔ́ ko nɛ hɛ mi ngɛ nyami, nɛ e kɛ eko hu maa puɛ nɔ́ ko nɛ hɛ mi be nyami lo?

1 Korintobi 10:11

A pee mɛ enɛ ɔmɛ kulaa nɛ a kɛ to okadi ha ni kpahi; nɛ a ngma kaa kɔkɔ bɔmi nɔ́ kɛ ha wɔ, wɔ nihi nɛ je ɔ nyagbe ligbi ɔmɛ na wɔ ɔ;

Galatabi 1:15

Se benɛ e sa Mawu nɛ je mi to kɛ je maa muklii mi lokoo nɛ e kɛ e dloomi ɔ tsɛ mi kɛ ba a hɛ mi,

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

2 Timoteo 1:11

nɔ́ he nɛ a wo mi fiɛlɔ kɛ bɔfo kɛ maje li ɔmɛ a tsɔɔlɔ ɔ,

2 Timoteo 2:2

Nihi nɛ o nu ngɛ ye nya ngɛ odasefohi fuu a nya a, kɔlɔ ɔ nɔuu o tu ngɔ wo nimli anɔkualetsɛmɛ a dɛ, nihi nɛ ngɛ he wami nɛ a ma kɛ tsɔɔ ni kpahi hulɔ.

Tito 1:5

Nɔ́ nɛ he je nɛ i si mo ngɛ Kreta a ji konɛ o to nihi nɛ piɛ ɔ blɔ nɔ pɛpɛɛpɛ, nɛ o wo nikɔtɔmahi ngɛ ma tsuaa ma mi, kaa bɔ nɛ i de mo momo ɔ:

Hebribi 11:4

Hemi kɛ yemi Habel kɛ sa bɔ nɛ pe Kain nɔ ɔ ha Mawu, nɛ lɔ ɔ he hulɔ nɛ a ye e he odase kaa dalɔ ji lɛ ɔ nɛ, ejakaa Mawu he e nike ni ɔmɛ; nɛ kɔlɔ ɔ nɔuu e kɛ ngɛ munyu tue kɔ mwɔ pohu e gbo.

Yakobo 3:18

Dami yiblii ɔ, nihi nɛ peɔ he jɔmi nihi ɔ, mɛ lɛ a duɔ ngɛ he jɔmi mi.

1 Petro 3:15

se Nyɔmtsɛ Kristo ɔ, nyɛɛ bu lɛ klɔuklɔu ngɛ nyɛ tsui mi. Nyɛ dla nyɛ he ngɔ to daa nɛ, konɛ ke nɔ ko bi nyɛ hɛ kɛ nɔ fɔmi nɛ ngɛ nyɛ mi ɔ sisi ɔ, nɛ nyɛ nyɛ lɛ heto nɛ nyɛ ha; se nyɛɛ pee kɛ mi mi jɔmi kɛ bu.

1 Petro 3:2

ejakaa a naa nyɛ je mi bami nɛ he tsɔmi kɛ gbeye yemi ngɛ mi ɔ.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

1 Yohane 4:19

Wa suɔ lɛ ejakaa lɛ kekle e suɔ wɔ.