Yohane 15:15 - Somi He Ɔ

¹⁵ I tsɛ we nyɛ nyɔguɛhi hu, ejakaa nyɔguɛ li nɔ nɛ e nyɔmtsɛ peɔ; se mohu huɛmɛ i tsɛ nyɛ, ejakaa nihi tsuo nɛ i nu ngɛ Tsaatsɛ nya a, i wo nɔ ta de nyɛ.

BAIBLO ALOO NGMAMI KLƆUKLƆU Ɔ

¹⁵ Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 15:15 ပူးပေါင်းရင်းမြစ်များ

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

Yakobo 2:23

nɛ ngmami ɔ nɛ deɔ ke: “Nɛ Abraham he Mawu nɛ ɔ ye nɛ a bu enɛ ɔ dami ha lɛ” ɔ ba mi, nɛ a tsɛ lɛ ke “Mawu huɛ.”

Kolosebi 1:26

nɔ́ nɛ ji laami sane nɛ a ngɔ laa kɛ je blema lokoo kɛ yi nɔ ɔmɛ a nɔ, se jehanɛ a je kpo ngɔ tsɔɔ e ni klɔuklɔu ɔmɛ,

Kpojemi 1:1

Yesu Kristo kpo jemi nɛ Mawu ngɔ ha lɛ nɛ e kɛ tsɔɔ e sɔmɔli ɔmɛ nihi nɛ sa kaa e ba mi ngɛ be kpiti mi, nɛ e kɛ tsɔ e bɔfo ɔ nɛ e kɛ ba tsɔɔ e sɔmɔlɔ Yohane,

Efesobi 3:5

Laami sane nɛ ɔ, yinɔhi nɛ be ɔmɛ a mi ɔ, a ha we nimli a bimɛ nɛ a le, kaa bɔ nɛ jehanɛ ɔ a je kpo ngɔ tsɔɔ e bɔfohi kɛ gbali klɔuklɔu ɔmɛ ngɛ Mumi mi,

Efesobi 1:9

E ha wa le e yi mi tomi ɔ mi laami sane nɛ e to kaa e maa gbe nya ngɛ Kristo mi,

Yohane 20:17

Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Yohane 12:26

Ke nɔ ko ngɛ mi sɔmɔe ɔ, e nyɛɛ ye se, nɛ he nɛ i ngɛ ɔ, lejɛ ɔ ye sɔmɔlɔ ɔ hu maa hi. Ke nɔ ko ngɛ mi sɔmɔe ɔ, Tsaatsɛ maa wo lɛ.”

Yohane 8:26

I ngɛ nyɛ he sanehi fuu nɛ ma de nɛ ma kɛ kojo nyɛ; se kɛ̃ ɔ, nɔ nɛ tsɔ mi ɔ anɔkualetsɛ ʼi, nɛ imi lɛɛ nihi nɛ i nu kɛ je e nya a, lɔ ɔmɛ nɔuu i deɔ ngɔ tsɔɔ je ɔ nɛ.”

1 Petro 1:11

nɛ a kpale bi be ɔ si, be nɛ kɛ bɔ nɛ Kristo Mumi nɛ ngɛ a mi ɔ je tsɔɔ, benɛ Mumi ɔ ngɛ amanehlu nɛ maa ba Kristo nɔ kɛ hɛ mi nyami nɛ maa ba ngɛ kɔlɔ ɔmɛ a se ɔ he odase yee kɛ ngɛ toe ɔ.

Yakobo 1:1

Yakobo, nɛ ji Mawu kɛ Mawetsɛ Yesu Kristo sɔmɔlɔ ɔ, ngma ya ha wɛtso nyɔngma kɛ enyɔ nɛ gbɛ fia a: Nyɛ he manye!

Filemon 1:16

pi kaa sɔmɔlɔ hu, se mohu nɔ nɛ pe sɔmɔlɔ tete, nɔ nɛ ji suɔmi nyɛmi, nɛ i fiɛ we e he, nɛ mo mohu e ji o nɔ kulaa ngɛ he lo kɛ Nyɔmtsɛ ɔ blɔfami ɔ.

Yohane 17:26

nɛ i je o biɛ ɔ si ngɔ tsɔɔ mɛ, nɛ ma kpale je lɛ si ngɔ tsɔɔ, konɛ suɔmi nɛ o kɛ suɔ mi ɔ nɛ hi a mi nɛ imi hu ma hi a mi.”

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

Yohane 13:16

I ngɛ nyɛ dee anɔkuale mi ke: Nyɔguɛ pa we e nyɔmtsɛ, nɛ jeha nɛ ɔ hu tsɔlɔ pa we nɔ nɛ tsɔ lɛ ɔ.

Yuda 1:1

Yuda, nɛ ji Yesu Kristo sɔmɔlɔ kɛ Yakobo nyɛmi ɔ ngma ya ha nihi nɛ a tsɛ mɛ nɛ a pee mɛ klɔuklɔu ngɛ Tsɛ Mawu ɔ mi nɛ a ngɔ mɛ ngɔ to ha Yesu Kristo ɔ.

Ni Tsumi 20:27

Ejakaa i jaje Mawu yi mi tomi mluku ɔ tsuo ngɔ tsɔɔ nyɛ nɛ i laa we eko nɔ.

Yohane 4:19

Yo ɔ de lɛ ke: “Nyɔmtsɛ, i na kaa gbalɔ ji mo.

Luka 10:23

Kɛkɛ nɛ Yesu plɛ e hɛ mi ha e kaseli ɔmɛ nɛ e de mɛ ngɛ se zaa ke: “A gbaa hɛngmɛhi nɛ naa nihi nɛ nyɛ ngɛ nae nɛ ɔ.

Yohane 16:12

“I ngɛ nihi fuu nɛ piɛ nɛ ma de nyɛ; se nyɛ be nyɛe he maa pɛtɛ amlɔ nɛ ɔ;

Romabi 7:15

Nɔ nɛ i tsuɔ ɔ i li; ejakaa nɔ́ nɛ i suɔ ɔ, pi lɔ ɔ nɛ i peɔ, se nɔ́ nɛ i nyɛɛ mohu ɔ, kɔlɔ ɔ i peɔ.

1 Korintobi 2:16

“Ejakaa mɛnɔ lɛ le Nyɔmtsɛ ɔ juɛmi, nɛ e maa tsɔɔ lɛ ni?” Se wɔɔ lɛɛ wa hɛɛ Kristo juɛmi.