Yohane 15:10 - Somi He Ɔ

¹⁰ Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

BAIBLO ALOO NGMAMI KLƆUKLƆU Ɔ

¹⁰ Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 15:10 ပူးပေါင်းရင်းမြစ်များ

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 14:31

I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

Yohane 17:4

Imi lɛɛ i wo o hɛ mi nyami ngɛ zugba a nɔ, akɛnɛ ni tsumi ɔ nɛ o ha mi tsumi ɔ i gbe nya a.

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Yohane 8:29

Nɛ nɔ nɛ tsɔ mi ɔ kɛ mi ngɛ, Tsɛ ɔ si we ye nɔ kake, ejakaa imi lɛɛ, nɔ́ nɛ sa e hɛ mi i peɔ daa.”

Yohane 8:55

nɛ nyɛ yo we lɛ, se imi lɛɛ i le lɛ. Ke i de ke i li lɛ ɔ, ma pee nyangɔlɔ kaa nyɛ; se i le lɛ nɛ i yeɔ e munyu nɔ.

1 Korintobi 7:19

Nɔpomi pi nɔ́ ko, nɛ mɔmlɔtɔ hu pi nɔ́ ko, se Mawu kita amɛ a nɔ yemi mohu ji nɔ́ nɛ he hia.

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

2 Petro 2:21

Ejakaa afani nɛ a na we nɛ a le dami blɔ ɔ pe nɛ a le nɛ kɛ̃ ɔ, a kpale kɛ je kita klɔuklɔu nɛ a tu ngɔ wo a dɛ mi ɔ he.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

1 Yohane 5:3

Ejakaa enɛ ji suɔmi nɛ wa suɔ Mawu kaa waa ye e kita amɛ a nɔ; nɛ e kita amɛ a nya wɛ́,

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.