Yohane 14:6 - Somi He Ɔ

⁶ Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

BAIBLO ALOO NGMAMI KLƆUKLƆU Ɔ

⁶ Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 14:6 ပူးပေါင်းရင်းမြစ်များ

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 1:17

Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

Yohane 1:4

E mi wami ngɛ, nɛ wami ɔ ji nimli a la a nɛ;

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Yohane 10:7

Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ.

Yohane 10:9

Imi ji sinya a nɛ. Imi lɛɛ, ke nɔ ko gu ye mi kɛ sɛ mi ɔ, a ma he e yi wami, nɛ e maa sɛ mi nɛ e maa je kpo, nɛ e ma na niyeni.

Yohane 14:19

E piɛ bɔɔ kɛkɛ nɛ je ɔ be mi nae hu; se nyɛ lɛɛ nyɛɛ ngɛ mi nae, ejakaa ye hɛ ngɛ, nɛ nyɛ hu nyɛ hɛ maa hi ngmengmle.

Yohane 15:1

“Imi ji wai tso nitsɛ ɔ nɛ, nɛ Tsaatsɛ ji ngmɔtsɛ ɔ nɛ.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 6:33

Ejakaa Mawu abolo ɔ ji nɔ nɛ jee hiɔwe kpleɔ si nɛ ngɔɔ wami ngɔ haa je ɔ nɛ.”

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Yohane 6:57

Bɔ nɛ Tsɛ, hɛ kalɔ, ɔ tsɔ mi, nɛ Tsɛ ɔ he nɛ ye hɛ ngɛ ɔ, ja nɔuu nɔ nɛ yeɔ mi ɔ hu maa hi si ngɛ ye he.

Yohane 6:68

Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

Yohane 8:32

nɛ nyɛ maa le anɔkuale ɔ, nɛ anɔkuale ɔ ma ha nyɛ maa ye nyɛ he.”

Yohane 8:51

I ngɛ nyɛ dee anɔkuale mi ke: Ke nɔ ko ye ye munyu ɔ nɔ ɔ, e be gboe gblegbleegblee.”

Ni Tsumi 3:15

nɛ Wami Matsɛ ɔ, nyɛ gbe lɛ. Se Mawu tle lɛ si kɛ je gbeje, kɔlɔ ɔ nɔuu he odaseyeli ji wɔ.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Ni Tsumi 9:2

nɛ e ya bi lɛ womihi nɛ e kɛ ya Damasko kpe he ɔmɛ, benɛ pee nɛ ke e na ni kome nɛ hɛɛ kikɛmɛ a tsɔɔmi nɛ ɔ mi ɔ, nyumuhi jio, yihi jio, nɛ e fi mɛ nɛ e kpaka mɛ kɛ ba Yerusalem.

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Romabi 5:2

Lɛ e nɔ wa gu nɛ waa kɛ hemi kɛ yemi ɔ na blɔ kɛ ba dloomi nɛ wa daa si ngɛ mi ɔ mi, nɛ wa fiaa fɔɔ Mawu hɛ mi nyami ɔ nɛ wa hɛ ngɛ nɔ ɔ nɔ.

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Efesobi 2:18

ejakaa e nɔ wɔ ni enyɔ ɔmɛ kulaa guu kɛ naa blɔ ngɛ mumi kake mi kɛ yaa Tsɛ ɔ ngɔ.

Kolosebi 2:17

ejakaa nihi nɛ maa ba amɛ a he nini kɛkɛ ʼi, se nɔmlɔ tso ɔ ji Kristo nɔ ɔ nɛ.

Kolosebi 2:9

Ejakaa e mi Mawu fuu hyimi ɔ kulaa hii ngɛ nɔmlɔ tso su mi;

Kolosebi 3:4

Benɛ Kristo, nɔ nɛ ji wa wami ɔ ma pue ɔ, lɔ ɔ lɛɛ nyɛ hu nyɛɛ kɛ lɛ ma pue ngɛ anuminyami mi.

Hebribi 7:25

Lɔ ɔ he hu ɔ e nyɛɔ nihi nɛ guu e nɔ kɛ baa Mawu ngɔ ɔmɛ a yi wami heɔ, ejakaa e ngɛ daa konɛ e da mi ha mɛ.

Hebribi 9:8

Enɛ ɔ Mumi Klɔuklɔu ɔ kɛ tsɔɔ pãa kaa be abɔ nɛ kekle bo tsu ɔ maa si kɛ mwɔ nɛ ɔ ɔ, lɛɛ blɔ nɛ a kɛ yaa he klɔuklɔu ɔ a na we nɛ a bli.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

1 Petro 2:4

Nyɛɛ ba Nyɔmtsɛ ɔ ngɔ kaa tɛ nɛ hɛ ngɛ nɛ nimli kua lɛ mohu, se Mawu lɛɛ, e hla lɛ nɛ e he jua wa ngɛ e hɛ mi,

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

1 Yohane 2:23

Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

1 Yohane 5:6

Yesu Kristo ji nɔ nɛ gu nyu kɛ muɔ mi kɛ ba a nɛ; pi nyu ɔ mi kɛkɛ se mohu ngɛ nyu kɛ muɔ ɔ mi. Nɛ Mumi ɔ ji nɔ nɛ yeɔ odase, ejakaa Mumi ɔ ji anɔkuale ɔ nɛ.

2 Yohane 1:9

Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Kpojemi 19:11

Kɛkɛ nɛ i na nɛ a bli hiɔwe nya, nɛ oʼɛ, okpɔngɔ hiɔ, nɛ nɔ nɛ hii si ngɛ nɔ ɔ, a tsɛɛ lɛ ke: Anɔkualetsɛ kɛ Dalɔ; dami nya e kojo ɔ nɛ e hwuɔ ta ngɛ.

Kpojemi 20:15

Nɛ ke nɔ ko ngɛ nɛ a nɛ́ kaa a ngma e biɛ ngɛ wami womi ɔ mi ɔ, a sakee lɛ ngɔ fɔɔ la taku ɔ mi.

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 22:17

Mumi ɔ kɛ Ayɛflo ɔ ke: “Ba!” Nɛ nɔ nɛ nuɔ ɔ, e de ke: “Ba!” Nɔ nɛ kuma ngɛ lɛ tɔe ɔ, e ba, nɛ nɔ nɛ suɔ ɔ, e ba nɛ e ba yɛ wami nyu ɔ yaka gu.

Kpojemi 3:14

“Nɛ Laodikea asafo ɔ bɔfo ɔ, ngmaa ya ha lɛ ke: “Nihi nɛ Amen ɔ nɛ ji odase yelɔ anɔkualetsɛ ɔ kɛ anɔkua leyelɔ ɔ kɛ Mawu adebɔ ɔ sisije ɔ de ji nɛɔ nɛ:

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ: