Yohane 14:31 - Somi He Ɔ

³¹ I peɔ bɔ nɛ Tsɛ ɔ fa mi ɔ konɛ je ɔ nɛ na le kaa i suɔ Tsɛ ɔ. Nyɛɛ te si, nyɛɛ ba waa je hiɛ ɔ!”

BAIBLO ALOO NGMAMI KLƆUKLƆU Ɔ

³¹ se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Yohane 14:31 ပူးပေါင်းရင်းမြစ်များ

Mateo 26:39

Nɛ e ya e hɛ mi bɔɔ nɛ e ngɔ e hɛ mi ngɔ bu si, nɛ e sɔle ke: “Tsaatsɛ, ke e maa hi ɔ, ha nɛ kplu nɛ ɔ be ye he kɛ ho; se kɛ̃ ɔ, pi bɔ nɛ imi i suɔ, se mohu bɔ nɛ mo o suɔ.”

Mateo 26:46

Nyɛɛ te si, nyɛ ha waa ho; oʼɛ, nɔ nɛ maa tsɔɔ ye se blɔ ɔ su si ta.”

Luka 12:50

I ngɛ baptisimi ko nɛ a kɛ maa baptisi mi, nɛ hyɛ bɔ nɛ ye he ngɛ mi hiae kɛ maa su be nɛ a maa gbe nya!

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Yohane 12:27

“Jeha nɛ ɔ ye klaa ngɛ haoe, nɛ mɛni ma de? Tsaatsɛ, he mi ngɛ ngmlɛfia nɛ ɔ mi! Pohu enɛ ɔ he nɔuu i ba ngɛ a ngmlɛfia nɛ ɔ mi.

Yohane 12:49

Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 13:1

Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 15:9

Bɔ nɛ Tsɛ ɔ suɔ mi ɔ, ja imi hu i suɔ nyɛ; nyɛɛ hi si ngɛ ye suɔmi ɔ mi.

Yohane 18:11

Lɔ ɔ he ɔ Yesu de Petro ke: “Ngɔɔ o klaate ɔ ngɔ wo e kpo ɔ mi. Anɛ kplu nɛ Tsaatsɛ ngɔ ha mi ɔ, ma ko nu lo?”

Yohane 4:34

Yesu de mɛ ke: “Ye ngma ji kaa ma pee nɔ nɛ tsɔ mi ɔ suɔmi nya ni, nɛ ma gbe e ni tsumi ɔ nya.”

Filipibi 2:8

E ba e he si nɛ e bu tue kɛ ya gbenɔ mi, kɛ ya sɛumi tso nɔ gbenɔ mi tete.