Yohane 14:26 - Somi He Ɔ

²⁶ Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

BAIBLO ALOO NGMAMI KLƆUKLƆU Ɔ

²⁶ Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 14:26 ပူးပေါင်းရင်းမြစ်များ

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 14:16

Nɛ imi lɛɛ ma bi Tsɛ ɔ, nɛ e ma ha nyɛ Hepiɛlɔ kpa, konɛ e kɛ nyɛ nɛ hi si kɛ ya neneene;

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

Yohane 16:7

Se kɛ̃ ɔ, i ngɛ nyɛ anɔkuale dee: e hi ha nyɛ kaa ma je; mɛni he je ɔ, ke i ji ɔ, Hepiɛlɔ ɔ be nyɛ ngɔ bae; se ke i je ɔ, ma ha e ba nyɛ ngɔ.

1 Yohane 2:20

Se nyɛɛ lɛɛ, nyɛ na nu pɔmi kɛ je Nɔ klɔuklɔu ɔ dɛ mi, nɛ nyɛ le anɔkuale ɔ.

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

Ni Tsumi 2:33

Jeha nɛ ɔ akɛnɛ a wo e nɔ kɛ ho Mawu hiɛ ɔ nine nɔ ya nɛ e na Mumi Klɔuklɔu ɔ he si womi ɔ kɛ je Tsɛ ɔ dɛ he je ɔ, e nɛ nɔ́ nɛ nyɛ ngɛ nae nɛ nyɛ ngɛ nue nɛ ɔ ngɔ pue si.

Efesobi 1:17

I kpaa pɛɛ konɛ wa Nyɔmtsɛ Yesu Kristo Mawu nɛ ji hɛ mi nyami Tsɛ ɔ nɛ ha nyɛ ni lemi kɛ nɔ kpo jemi mumi ngɛ lemi nɛ nyɛ maa le lɛ saminya a mi,

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Ni Tsumi 2:4

Nɛ Mumi Klɔuklɔu ba hyi mɛ tsuo kulaa tɔtɔɔtɔ, nɛ a bɔni gbi slɔɔto slɔɔtohi tumi, kaa bɔ nɛ Mumi ɔ ngɔ wo a nya a.

Yohane 2:22

Lɔ ɔ he ɔ benɛ e te si kɛ je gbeje ɔ, e kaseli ɔmɛ kai kaa e de enɛ ɔ, nɛ a he ngmami ɔ kɛ munyu nɛ Yesu tu ɔ ye.

Ni Tsumi 13:2

Benɛ a ngɛ Nyɔmtsɛ ɔ jae nɛ a ngɛ hwɔ hae ɔ. Mumi Klɔuklɔu ɔ ke: “Nyɛ je Barnaba kɛ Saulo ngɔ ha mi kɛ ha ni tsumi nɛ i tsɛ mɛ ngɛ he ɔ.”

1 Petro 1:12

Nɛ Mawu je tsɔɔ gbali ɔmɛ ke, tsa pi mɛ nitsɛmɛ a he ʼi, se nyɛ mohu nyɛ he nɛ a sɔmɔ ngɛ kikɛmɛ a ni nɛ ɔmɛ a he, nihi nɛ jehanɛ nihi nɛ jaje sane kpakpa a tsɔɔ nyɛ ngɛ Mumi Klɔuklɔu nɛ a tsɔ kɛ je hiɔwe ɔ jaje tsɔɔ nyɛ ɔ. Ni nɛ ɔmɛ ji nihi nɛ hiɔwe bɔfohi tete hɛ jaa ngɛ he kaa a ko na mi.

1 Yohane 5:7

Odase yeli etɛ lɛ ngɛ,

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

Luka 24:49

Nɛ oʼɛ, i ngɛ hae nɛ Tsaatsɛ si womi ɔ nɛ ba nyɛ nɔ; lɔ ɔ he ɔ nyɛɛ hi si ngɛ Yerusalem ma a mi kɛ ya su be nɛ a maa je hiɔwe ba wo nyɛ he wami.”

Yuda 1:20

Se, mamimɛ, nyɛɛ lɛɛ, nyɛ ha nyɛ nane nɛ pi si ngɛ hemi kɛ yemi nɛ ngɛ klɔuklɔu pe kulaa a mi, nɛ nyɛɛ sɔle ngɛ Mumi Klɔuklɔu ɔ mi,

Hebribi 9:8

Enɛ ɔ Mumi Klɔuklɔu ɔ kɛ tsɔɔ pãa kaa be abɔ nɛ kekle bo tsu ɔ maa si kɛ mwɔ nɛ ɔ ɔ, lɛɛ blɔ nɛ a kɛ yaa he klɔuklɔu ɔ a na we nɛ a bli.

Hebribi 3:7

Lɔ ɔ he ɔ kaa bɔ nɛ Mumi Klɔuklɔu ɔ de ɔ: “Mwɔnɛ, ke nyɛ nu e gbi ɔ,

1 Tesalonikabi 4:8

Lɔ ɔ he ɔ jehanɛ, nɔ nɛ bui tsɔɔmi nɛ ɔ ɔ, pi nɔmlɔ ko nɛ e bui ɔ, se mohu Mawu nɔ nɛ ngɔ e Mumi Klɔuklɔu ɔ ngɔ wo nyɛ mi ɔ ʼi.

1 Korintobi 12:3

Lɔ ɔ he ɔ, i ngɛ hae nɛ nyɛɛ le kaa, nɔ nɛ tuɔ munyu ngɛ Mawu mumi mi ɔ, de we ke Yesu ɔ musutsɛ ji lɛ, nɛ nɔ ko be nyɛe ma de ke Yesu ji Nyɔmtsɛ hulɔ, kaa ja Mumi Klɔuklɔu ɔ kpaka lɛ.

2 Petro 1:21

Ejakaa gbami ko bɛ́ ngɛ nɔmlɔ suɔmi nya hyɛ, se mohu Mumi Klɔuklɔu ɔ lɛ kpleɔ Mawu nimli klɔuklɔu ɔmɛ a nɔ nɛ a tuɔ munyu.

Luka 11:13

Lɛɛ ke nyɛ nɛ nyɛ ji nimli yayamihi ɔ, nyɛ le bɔ nɛ nyɛ peɔ nɛ nyɛɛ kɛ nike ni kpakpahi kee nyɛ bimɛ ɔ, nyɛmɛ nɔuu nɛ nyɛ tsɛ nɛ ngɛ hiɔwe ɔ be Mumi Klɔuklɔu ɔ ngɔe ha nihi nɛ biɔ lɛ ɔ?”

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Luka 1:41

Nɛ e ba mi kaa benɛ Elisabet nu Maria ngami ɔ, bimwɔyo ɔ hua ngɛ e mi mi; nɛ Mumi Klɔuklɔu hyi Elisabet tɔ.

Mateo 3:11

Imi lɛɛ nyu i kɛ ngɛ nyɛ baptisie ha tsui tsakemi, se nɔ nɛ ma ngɛ ye se ɔ he wa pe mi, e tokotahi tete i sɛ́ nɔ nɛ hɛo; lɛ e kɛ Mumi Klɔuklɔu kɛ la maa baptisi nyɛ.

Hebribi 2:4

nɛ Mawu nitsɛ hu kɛ okadihi kɛ nyakpɛ nihi kɛ hewami nihi slɔɔtohi kɛ Mumi Klɔuklɔu hami ɔ ngɛ he odase yee kɛ ngɛ nɔ sie, ngɛ lɛ nitsɛ e suɔmi nya.

2 Timoteo 1:14

Ni kpakpahi nɛ a tu wo o dɛ ɔ buu he ngɛ Mumi Klɔuklɔu nɛ hii wa mi ɔ he wami nya!

Efesobi 4:30

Nɛ nyɛ ko pee Mawu Mumi Klɔuklɔu ɔ nɔdɔ nɔ́, nɔ mi nɛ pa sɔu nyɛ nya ngɛ ngɔ to kpɔmi ligbi ɔ.

Romabi 14:17

Ejakaa Mawu matsɛ yemi ɔ, e pi ni yemi kɛ ni numi, se mohu e ji dami kɛ he jɔmi kɛ Mumi Klɔuklɔu mi bua jɔmi.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Ni Tsumi 11:16

Nɛ i kai Nyɔmtsɛ ɔ munyu ɔ nɛ e tu ke: ‘Yohane ɔ, e kɛ nyu baptisi, se nyɛɛ lɛɛ a maa baptisi nyɛ kɛ Mumi Klɔuklɔu’ ɔ.

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami nɛ nyɛ ma plɛ ye he odaseyeli ngɛ Yerusalem kɛ Yudea kɛ Samaria tsuo kɛ yaa su zugba a nyagbe he.”

Yohane 20:22

Nɛ benɛ e de ja a, e mu ngɔ pue a nɔ, nɛ e de mɛ ke: “Nyɛ he Mumi Klɔuklɔu ɔ!

Yohane 6:45

A ngma ngɛ gbali ɔmɛ a womi ɔ mi ke: ‘Mɛ tsuo kulaa a maa pee nihi nɛ Mawu tsɔɔ mɛ ni.’ Nɔ tsuaa nɔ nɛ nuɔ Tsɛ ɔ munyu nɛ e kaseɔ hulɔ ɔ, baa ye ngɔ.

Marko 13:11

Se ke a kpaka nyɛ kɛ ya ha a, nyɛ ko hao nyɛ he ngɔ to ngɛ nɔ́ nɛ nyɛ ma de he; se mohu nɔ́ nɛ a kɛ ma ha nyɛ ngɛ jamɛ a ngmlɛfia a nɔ ɔ, lɔ ɔ nyɛ de ɔ nɛ; ejakaa tsa pi nyɛ nɛ nyɛ ngɛ munyu ɔ tue ɔ, se mohu mumi Klɔuklɔu ɔ ʼi.

Mateo 1:20

Se benɛ e ngɛ ni nɛ ɔmɛ kulaa a he susue ɔ, oʼɛ, Nyɔmtsɛ ɔ bɔfo je e he kpo ngɔ tsɔɔ lɛ ngɛ nlami mi, nɛ e de lɛ ke: “Yosef, David bi, koo ye o yo Maria a ngɔmi gbeye, se hɔ nɛ e hɛɛ nɛ ɔ ɔ, e je Mumi Klɔuklɔu ɔ mi;

Hebribi 10:15

Mumi Klɔuklɔu ɔ hu yeɔ wɔ odase. Kekleekle ɔ, e ke:

Yohane 12:16

Se e kaseli ɔmɛ nɛ́ ni nɛ ɔmɛ a sisi mla mi, se benɛ a wo Yesu hɛ mi nyami se ɔ loko a kai kaa a ngma ni nɛ ɔmɛ ngɛ e he, nɛ lɔ ɔ a pee ha lɛ ɔ nɛ.

Marko 12:36

Ejakaa David nitsɛ de ngɛ Mumi Klɔuklɔu ɔ nya ke: ‘Nyɔmtsɛ ɔ de ye Nyɔmtsɛ ɔ ke: Hii ye hiɛ ɔ nɔ, Kɛ yaa su be nɛ ma ngɔ o henyɛli ɔmɛ ngɔ pee o nane si sɛ.’

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

2 Korintobi 6:6

ngɛ he tsɔmi mi, ngɛ ni lemi mi, ngɛ juɛmi nɛ se kɛɛ mi, ngɛ mi mi himi mi, ngɛ Mumi Klɔuklɔu mi, ngɛ suɔmi klɔuu mi,

Ni Tsumi 20:35

I kɛ kulaa tsɔɔ nyɛ kaa jã e sa kaa a tsu ni nɛ a kɛ ye bua nihi nɛ be he wami, nɛ a kai Nyɔmtsɛ Yesu munyu ɔmɛ kaa lɛ nitsɛ e ke: ‘Nɔ hami mi ngɛ gbaami pe hemi.’ ”

Ni Tsumi 15:8

Nɛ Mawu nɛ le tsui mi nihi ɔ ye mɛ odase nɛ e ha mɛ Mumi Klɔuklɔu ɔ kaa bɔ nɛ e ha wɔ ɔ nɔuu,

Ni Tsumi 7:51

“Nyɛ kuɛ wali kɛ amaga jali ngɛ tsuihi kɛ tuehi a mi! Nyɛɛ lɛɛ daa nɛ ɔ nyɛ kuɔ Mumi Klɔuklɔu ɔ nya; bɔ nɛ nyɛ tsɛmɛ ɔmɛ pee ɔ, jã nyɛ hu nyɛ peɔ.

Ni Tsumi 1:4

Nɛ bene e kɛ mɛ ba kpe ɔ, e wo mɛ hiɔngɔ ke: “Nyɛ ko je Yerusalem, se mohu nyɛɛ mle tsɛ ɔ si womi ɔ nɛ nyɛ nu ngɛ ye nya a;

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya a. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ kɛ wo e kaseli nɛ e hla amɛ kita.

Yohane 7:39

Mumi ɔ nɛ nihi nɛ heɔ e nɔ yeɔ ɔ ma na a he nɛ e de enɛ ɔ ɔ nɛ; se Mumi Klɔuklɔu ɔ na we nɛ e ba, ejakaa a na we nɛ a wo Yesu hɛ mi nyami.

Luka 3:22

nɛ Mumi Klɔuklɔu ɔ kple si kɛ su nɛ ngɛ kaa okpo kɛ ba e nɔ. Nɛ gbi ko je hiɔwe de ke: “Mo ji ye suɔmi bi ɔ nɛ, mo o he ye tsui ngɛ!”

Luka 1:67

Nɛ e tsɛ Zakaria hyi gbagbaagba kɛ Mumi Klɔuklɔu, nɛ e gba de ke:

Luka 1:35

Nɛ bɔfo ɔ ha lɛ heto ke: “Mumi Klɔuklɔu maa ba o nɔ, nɛ lɔ ɔ he ɔ jamɛ a bi klɔuklɔu ɔ hu nɛ o ma fɔ ɔ, a ma tsɛ lɛ Mawu bi.

Luka 1:15

Ejakaa e maa pee nɔ ngua ngɛ Nyɔmtsɛ ɔ hɛ mi; nɛ e be wai loo da nɛ nya wa ko nue, nɛ Mumi Klɔuklɔu ɔ ma hyi lɛ tɔ kɛ maa je e nyɛ muklii mi lokoo.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Ni Tsumi 28:25

Nɛ akɛnɛ a nya ya pee we kake he je ɔ, a je benɛ Paulo tu nyagbe munyu kake nɛ ɔ: “Niinɛ nɛ Mumi Klɔuklɔu de ngɛ gbalɔ Yesaia nya tsɔɔ wa tsɛmɛ ɔmɛ ke:

Ni Tsumi 16:6

Akɛnɛ Mumi Klɔuklɔu ɔ tsi mɛ blɔ ke a ko fiɛ munyu ɔ ngɔ tsɔɔ ngɛ Asia he je ɔ, a po mi ngɛ Frigia kɛ Galatia zugba a nɔ.

Ni Tsumi 15:28

Ejakaa e sa Mumi Klɔuklɔu ɔ hɛ mi, nɛ e sa wɔ hu wa hɛ mi kaa, waa kɛ tlomi ko nɛ ko fɔ nyɛ nɔ hu, kaa ja nihi nɛ he hia nɛ ɔmɛ nɔuu.

Ni Tsumi 13:4

Jeha nɛ ɔ ni nɛ ɔmɛ ɔ, akɛnɛ Mumi Klɔuklɔu ɔ tsɔ mɛ ke a ya he je ɔ, a pue nɔ kɛ ho Seleukia ya, nɛ a sɛ lɛ mi ngɛ lejɛ ɔ, nɛ a hia kɛ ho Kipro ya.

Ni Tsumi 7:55

Se lɛɛ akɛnɛ Mumi Klɔuklɔu ɔ hyi lɛ tɔtɔɔtɔ ɔ, e hyɛ hiɔwe too, nɛ e na Mawu hɛ mi nyami ɔ kɛ Yesu nɛ daa si ngɛ Mawu hiɛ ɔ nɔ.

Ni Tsumi 5:3

Se Petro ke: “Anania, mɛni he je Satan hyi o tsui mi tɔ, nɛ o ye lakpa ngɔ tsɔɔ Mumi Klɔuklɔu ɔ, nɛ o kɛ zugba a yi ni ɔ fã ko to se?

Luka 2:25

Jeha nɛ ɔ nyumu ko ngɛ Yerusalem nɛ a tsɛɛ lɛ Simeon; nɛ lɛ nyumu ɔ dalɔ ji lɛ nɛ e yee Mawu gbeye; e ngɛ Israel bua jɔmi ɔ blɔ hyɛe, nɛ Mumi Klɔuklɔu ngɛ e nɔ.

Mateo 1:18

Jeha nɛ ɔ, bɔ nɛ Yesu Kristo fɔmi ɔ ngɛ ji nɛ ɔ nɛ: e nyɛ Maria a, benɛ Yosef ya bi e si nɛ e na we nɛ e kpee lɛ ɔ, Maria na kaa e hɛɛ muklii kɛ je Mumi klɔuklɔu ɔ mi.

Yohane 1:33

Nɛ imi lɛɛ i li lɛ, se nɔ nɛ tsɔ mi ke ma ba baptisi ngɛ nyu mi ɔ, lɛ nɔuu lɛ e de mi ke: ‘Nɔ nɛ nɔ nɛ o maa na kaa Mumi ɔ ngɛ kplee nɛ e ngɛ e nɔ hie ɔ, lɛ ji nɔ nɛ baptisii ngɛ Mumi Klɔuklɔu mi ɔ nɛ.’

Yohane 14:25

“I de nyɛ ni nɛ ɔmɛ be mi nɛ i kɛ nyɛ ngɛ nɛ ɔ.